وپاسىزدىق جاساعان قالىڭدىق وتىرىگى شىعىپ قالىپ ءوز تويىنان قاشىپ كەتۋگە ءماجبۇر بولعان. بۇل تۋرالى ridus.ru حابارلايدى.
كۇيەۋ جىگىت توي ۇستىندە رومانتيكالىق ۆيدەو كورسەتىپ جاتقان. بەينەجازبادا ءاۋ باستا ەكى جاستىڭ سۇيىسپەنشىلىككە تولى فوتو سۋرەتتەرى اۋەن سۇيەمەلدەۋىمەن كورسەتىلگەن. ءبىر ساتتە بۇل سۋرەتتەر قالىڭدىقتىڭ باسقا ەركەكپەن تۇرعان سۋرەتتەرىمەن اۋىسقان كەزدە بارلىق قوناقتار ابدىراپ قالعان. ءقوناقۇي نومىرىندە وزگە ەركەكپەن كەتىپ بارا جاتقانى بەينەلەنگەن ۆيدەودا قالىڭدىقتىڭ وپاسىزدىق جاساعانى كورىنىپ قالعان.
ابىرويى ايرانداي توگىلگەن قالىڭدىق سالتانات زالىنان كوز جاسىن كولدەي قىلىپ قاشىپ شىققان.
بەلگىلى بولعانداي، سينگاپۋرلىق بيزنەسمەن تويعا دەيىن بىرنەشە اي بۇرىن قالىڭدىعىنىڭ قانشالىقتى ادال ەكەنىن تەكسەرىپ كورمەكشى بولعان.
وسىعان بايلانىستى قىزدى تەكسەرۋ ءۇشىن دەتەكتيۆ جالداعان. دەتەكتيۆ قىزدىڭ نەمەن شۇعىلدانعانى بەينەلەنگەن ۆيدەو جازبانى كورسەتكەندە، ونىڭ بەلگىسىز ەركەكپەن قوناقۇيگە بارعانى بەلگىلى بولعان. الايدا، جىگىت تويدى وتكىزۋدەن باس تارتۋدىڭ ورنىنا كەرىسىنشە تويعا دايىندىقتى بۇزباي، ءتىپتى ۆيدەوداعى ەر ادامدى تويعا شاقىرىپ ونى قىزدىڭ اكە-شەشەسىنىڭ قاسىنا وتىرعىزىپ قويعان ەكەن. ارينە، قالىڭدىق مۇنىڭ ءبارىن تەك سوڭىندا بىلگەن.
