امەريكانىڭ فلوريدا شتاتىنداعى قارتتار ۇيىندە 12 تۇرعىننىڭ دۇنيەدەن وزۋىنا بايلانىستى 245 قىزمەتكەردىڭ بارلىعى جۇمىستان قۋىلعان. بۇل جايلى Associated Press حابارلايدى.
فلوريدادا سوققان الاپات «يرما» داۋىلى قارتتار ءۇيىنىڭ جانىنداعى ترانسفورماتوردى ىستەن شىعارعان. سونىڭ سالدارىنان ەلەكتر توعى ىستەن شىققان جانە سالقىنداتقىش ىستەمەي قالعان. داۋىلدان كەيىنگى اپتاپ ىستىققا قارتتار ءۇيىنىڭ 8 تۇرعىنى شىداي الماي، جان ءتاسىلىم ەتكەن. از ۋاقىتتان سوڭ تاعى ءتورت ادام قايتىس بولعان.
شتات گۋبەرناتورى ريك سكوتت وسى وقيعادان كەيىن ەگدە جانداردىڭ جاعدايىن جاساي المايتىن قىزمەتكەرلەردىڭ ول جەردە جۇمىس ىستەۋىنە جول بەرمەيتىنىن مالىمدەدى.
