توعىزىنشى قازانعا قاراعان ءتۇنى رەسەيدىڭ روستوۆ قالاسىنداعى «تامەرنيك» بازارى وتقا ورانىپ، ءورتتىڭ اۋماعى 40 مىڭ شارشى مەتردى قۇرادى، -دەپ جازادى Qamshy.kz اقپارات اگەنتتىگى.
جەكسەنبى كۇنى كەشكى ساعات 21.00 شاماسىندا روستوۆ قالاسىنداعى «ۆوستوچنىي» نەمەسە «تامەرنيك» دەپ اتالاتىن ءىرى كوتەرمە ساۋدا ورتالىعىندا 40 مىڭ شارشى شاقىرىمدى قامتىعان ءورت بولدى.
بۇل توتەنشە جاعداي سوڭعى كۇندەردەگى اسا ءىرى ورتتەردىڭ ءبىرى بولدى، ونىڭ الدىندا «سينديكا» قۇرىلىس ورتالىعى جانىپ كەتكەن بولاتىن. باستاپقى كەزدە بازاردىڭ تەك 600 شارشى شاقىرىمى عانا جانىپ كەتسە، ارتىنان ءورت ساۋدا قاتارلارىنا دا شارپىعان.
ءورت جۇمىس ساعاتتارىنان تىس ۋاقىتتا بولعاندىقتان، ەشكىم جاپا شەكپەگەن. ءدال قازىرگى ۋاقىتتا پوليسيا قىزمەتى ءورتتىڭ سەبەپتەرىن ناقتىلاۋدا.
