بۇگىن تۇركيا پرەزيدەنتى رەجەپ تايىپ ەردوعان رەسمي ىس-ساپارمەن ۋكرايناعا كەلەدى، دەپ جازادى Qamshy.kz اقپارات اگەنتتىگى. بۇگىنگى شارا ۋكراينا مەن تۇركيا اراسىنداعى ستراتەگيالىق كەڭەستىڭ 6-شى كەزدەسۋى ەكەنىن ايتا كەتكەن ءجون.
تۇرىك باسشىسىنىڭ رەسمي سايتى الدا بولاتىن تالقىلاۋدا بارلىق ستراتەگيالىق باعىتتار بويىنشا ىنتىماقتاستىقتى نىعايتۋ ماسەلەلەرى قارالاتىنىن ايتتى. سونداي-اق حالىقارالىق الەم ماسەلەلەرى مەن ايماقتىق قاۋىپسىزدىك جايى دا قوزعالادى. تۇرىك تاراپى «قىرىم ماسەلەسىنىڭ» دە شەت قالمايتىنىن ەسكەردى. ياعني، پوروشەنكو مەن ەردوعان قىرىم تاتارلارى جايىن دا تەرەڭ تالقىلايتىن بولادى.
رەسمي شارا ماسكەۋ ۋاقىتىمەن ەسەپتەگەندە ساعات 13-تە ۋكراينا پرەزيدەنتى اكىمشىلىگى عيماراتىندا باستالادى. ساعات 15:00-دە ەكى باسشى ۋكراينالىق جانە شەتەلدىك ب ا ق وكىلدەرىمەن كەزدەسەدى.
