وڭتۇستىك كورەيا اۋەجايىندا ۇستالعان ءۇش ايەل پلاستيكالىق وتادان سوڭ، قۇجاتتارىنداعى سۋرەتتەن تۇبەگەيلى وزگەرىپ كەتكەن، -دەپ جازادى Qamshy.kz اقپارات اگەنتتىگى.
ءۇش ايەل دە قىتايلىق جانە ولاردىڭ بەتتەرى ۇسقىنسىز بولىپ ءىسىپ، ونىڭ اينالاسىن ورامالمەن بايلاپ العان.
سۇلۋلىق وتاسىن جاساتقان ءۇش قىتايلىق ايەل وزدەرىنىڭ قۇجاتتارىنداعى سۋرەتتەرىنە مۇلدەم ۇقسامايدى. ولاردىڭ اۋەجايدا كۇتىپ وتىرعانداعى سۋرەتتەرى جەلىگە تاراپ، جۇرتتىڭ كۇلكىسىنە قالدى.
ءبىر سۋرەتتىڭ وزىنە 51،000 رەت «ۇنايدى» باسىلىپ، 23،000 رەت تاراتىلعان.
بارلىق قۇجاتتارى مەن بيلەتتەرىنىڭ دايىن تۇرعانىنا قاراماستان، ولار وزدەرىنىڭ قۇجاتتاعى ازاماتشالار ەكەندىگىن دالەلدەي الماي وتىر.
«سناپچات» جەلىسىنە تارالىپ، 30،000 جۋىق پىكىر جيناعان سۋرەتتە ءۇش ايەل كوشى-قون قىزمەتىندە ءوز كەزەكتەرىن تاعاتسىزدانا كۇتىپ وتىر.
قازىرگى كەزدە ءۇش ايەلدىڭ قىتايعا جىبەرىلۋ-جىبەرىلمەۋى ءالى دە بەلگىسىز.
وڭتۇستىك كورەيا جۇڭگو قىز-كەلىنشەكتەرى ءۇشىن الدىڭعى قاتارلى سۇلۋلىق وتاسىن جاساتۋ مەكەنى بولىپ جارتى عاسىرعا جۋىق قىزمەت ەتىپ كەلەدى. وعان قوسا ،وتا جاساتقانداردىڭ بەتتەرى جازىلىپ كەتۋى ءۇشىن، وڭتۇستىك كورەيادان تىكەلەي افريكاعا ارنالعان سافاري ساياحاتتارى بار.
بۇل جاعداي وتكەن جولى قۋىرشاق «كەن» اتالىپ كەتكەن رودريگو الۆەستىڭ باسىنان وتكەن بولاتىن. ول دۋبايعا بارار كەزىندە، اۋەجايدا قۇجاتتاعى سۋرەتىنە ۇقساماعاندىقتان ۇستالىپ، 3 ساعاتتان كەيىن بوساتىلعان ەدى.
