ەلباسى مەملەكەتتىك ءتىلدى لاتىن قارپىنە كوشىرۋ جونىندەگى جوبانى ىسكە اسىرۋ ءۇشىن قۇرىلعان جۇمىس توبىنىڭ مۇشەلەرىمەن كەزدەسكەنىن بۇعان دەيىن حابارلاعانبىز. جيىندا مەملەكەت باسشىسىنا قوعامدىق تالقىلاۋلار بارىسىندا كەلىپ تۇسكەن ۇسىنىستاردى ەسكەرە وتىرىپ ازىرلەنگەن قازاق ءتىلىنىڭ لاتىن قارپىنە نەگىزدەلگەن ءبىرىڭعاي ستاندارتىنىڭ جوباسى ۇسىنىلدى. ول وتاندىق باق-تا تاراپ تا ۇلگەردى. الايدا، اتىن اتاماۋدى وتىنگەن استاناداعى دەرەككوزدىڭ ايتۋىنشا، بۇل نۇسقا دۇرىس ەمەس، پرەزيدەنتكە باسقا نۇسقا ۇسىنىلعانىن ايتادى دەپ جازادى Qamshy.kz اقپارات اگەنتتىگى.
وتاندىق باق-تا تارالعان قازاق ءتىلىنىڭ لاتىن قارپىنە نەگىزدەلگەن جوباسى
ايتا كەتەيىك، نۇرسۇلتان نازاربايەۆ قازاق ءتىلىنىڭ جاڭا الىپبيىنە قاتىستى جوباسىن تالقىلاۋدا اتسالىسقان قوعامدىق بىرلەستىكتەر مەن عىلىمي ورتانىڭ بەلسەندىلىگىنە باسا نازار اۋداردى.
