11ء-شى قازاندا ساعات 11.00-دە مەدەۋ اۋدان اكىمىنىڭ باستاماسىمەن ەلباسى نۇرسۇلتان ءابىش ۇلى نازاربايەۆتىڭ «بولاشاققا باعدار: رۋحاني جاڭعىرۋ» ماقالاسىن جۇزەگە اسىرۋ اياسىندا «قازاقستان» قوناق ۇيىندەگى «Grand Ballroom» بانكەت زالىندا  مەكتەپ تۇلەكتەرىنىڭ فورۋمى وتەدى دەپ حابارلايدى Qamshy.kz اقپارات اگەنتتىگى.

فورۋم العاش رەت 2016 جىلى  وتكەن. ءقازىر اتالمىش فورۋمدى وتكىزۋ مەدەۋ اۋدانى ءۇشىن داستۇرگە اينالدى دەۋگە بولادى.

فورۋمنىڭ باستى ماقساتى - ەلىمىزدىڭ ءتۇرلى سالاسىندا قىزمەت ەتىپ، تاڭداعان ماماندىعىندا جەتىستىكتەرگە جەتكەن مەكتەپ بىتىرگەندەر مەن مەكتەپ اراسىندا بايلانىستى ارتتىرۋ. جاستارمەن ۇدايى تۇردە كەزدەسۋلەر ۇيىمداستىرۋ ارقىلى، ءوز تاجىريبەلەرىمەن ءبولىسىپ، ۇرپاقتار ساباستىعىن جالعاستىرۋ.

قالادا وتكەن عاسىردىڭ 20-30 جىلدارى اشىلعان ەسكى  مەكتەپتەر ورنالاسقان. ولار -  №28 مەكتەپ-ليسەيى، №12، 56، № 35، № 4 گيمنازياسى، № 52 جالپى ءبىلىم بەرۋ مەكتەبى. اراسىندا جاڭا اشىلعان مەكتەپتەر دە  بار. تەك تاۋەلسىزدىك جىلدارى ارالىعىندا مەدەۋ اۋدانىندا مەكتەپتەن 30000 استام تۇلەك شىققان.

2016 جىلى وتكەن العاشقى فورۋمنان كەيىن جاڭا مەكتەپ الاڭدارى سالىنىپ، ەسكىلەرى جوندەۋدەن وتكىزىلدى (جالپى سوماسى - 43 ملن. 56 مىڭ تەڭگە)،  اكت زالدارى جاڭارتىلدى، مەكتەپ جيھازدارى، كومپيۋتەرلەر، قاجەتتى قۇرال-جابدىقتار ساتىپ الىندى (جالپى سوماسى 5 ملن. استام تەڭگە). «ۇرپاقتار ساباقتاستىعى» اكسيا اياسىندا ءار جىلعى تۇلەكتەر جوعارى سىنىپ وقۋشىلارىمەن كەزدەسىپ، وزدەرىنىڭ ءومىر جولدارىن ايتىپ، تاجىريبە الماسىپ، ءتۇرلى ماماندىقتار تۋرالى بىلۋگە كومەكتەستى، وقۋشىلاردىڭ سۇراقتارىنا جاۋاپ بەردى. اۋدان اۋماعىندا مەكتەپتەردە 74 كەزدەسۋ ءوتىپ، وعان 6000-نان استام وقۋشى قاتىستى.

العاشقى فورۋم قورىتىندىسى بويىنشا، 2017 جىلدىڭ قاڭتارىندا تۇلەكتەر سايتى قۇرىلدى. سايتتا ءار جىلعى تۇلەكتەر تۋرالى دەرەكتەر، وتكىزىلگەن اكسيالار مەن شارالار،  دەمەۋشىلىك جانە قايىرىمدىلىق كومەكتەر تۋرالى اقپارات بار. سونىمەن قاتار، تۇلەكتەر ءوزارا بايلانىسىپ، باستامالاردى ۇسىنىپ جانە قولداپ، مەكتەپپەن تىعىز قارىم-قاتىناستا بولادى. قازىرگى تاڭدا سايتقا 2015 اۋداننىڭ مەكتەپ تۇلەكتەرى تىركەلگەن، كۇندەلىكتى سايتقا 2000 ادام كىرەدى.

فورۋمعا تۇلەكتەر، تابىستى كاسىپكەرلەر، دەپۋتاتتار، مەملەكەتتىك قىزمەتكەرلەر، دارىگەرلەر، ونەر جانە مادەنيەت قايراتكەرلەرى، زاڭگەرلەر، قۇقىق قورعاۋ ورگاندارى قىزمەتكەرلەرى، مەكتەپ ديرەكتورلارى، اتا-انالار بارلىعى 500-گە جۋىق ادام قاتىسادى.

فورۋمنىڭ نەگىزگى سپيكەرلەرى:

مەدەۋ اۋدانىنىڭ اكىمى جىلقىبايەۆ ەرجان جۇمات ۇلى - «مودەرنيزاسيا وبششەستۆەننوگو سوزنانيا، پوددەرجكا ي سوسيالنوە ۋۆاجەنيە ك مالوي رودينە – وسنوۆانيە وبششەناسيونالنوگو پاتريوتيزما»، «ق ر ەڭبەك ەرى»، الماتى قالاسىنىڭ قۇرمەتتى ازاماتى، ق ر ءبىلىم ارداگەرى ميرازوۆا اياگۇل تورە قىزى - «پوددەرجكا وبرازوۆانيا – ۆاجنەيشەە ناپراۆلەنيە دەياتەلنوستي وبششەستۆا»، كومپوزيتور، پيانيست، حالىقارالىق سايىستاردىڭ لاۋرەاتى، № 159 گيمنازيانىڭ تۇلەگى ابدىساعىن راحات-بي تولەگەن ۇلى، تەلەجۇرگىزۋشى، اكتريسا، № 12 گيمنازيانىڭ تۇلەگى ۆەرونسكايا ماييا ۆلاديميروۆنا جانە ت.ب.

الداعى ۋاقىتتا اۋداننىڭ ءار مەكتەبىندە تۇلەكتەر كەڭەسىنىڭ جۇمىسىن ۇيىمداستىرۋ، «ۇرپاقتاردىڭ ساباقتاستىعى» باعدارلاماسى اياسىندا مەكتەپ وقۋشىلارىمەن كاسىپتىك باعدار بەرۋ جانە تاربيە جۇمىسىن جۇرگىزۋ ءۇشىن اۋدان مەكتەپتەرىنىڭ تۇلەكتەرىن - بيزنەس، مەملەكەتتىك قۇرىلىمدار، عىلىم، مادەنيەت وكىلدەرىن بەلسەندى تارتۋ. ال 2017 جىلدىڭ قازان ايىنان باستاپ 2018 جىلدىڭ قازان ايىنا دەيىن تۇلەكتەرمەن كەزدەسۋلەر كەستەسىن بەكىتۋ، مەدەۋ اۋدانى مەكتەپتەرىنىڭ ەڭ ۇزدىك تۇلەكتەرى تۋرالى كىتاپ شىعارۋ، ءارتۇرلى ماماندىق وكىلدەرى قىزمەتىنە وبەكتيۆتى كوزقاراس قالىپتاستىرۋ ماقساتىندا مەملەكەتتىڭ دامۋىنا بەلگىلى ۇلەس قوسقان وندىرىستىك مەكەمەلەرگە، جەكەمەنشىك فيرمالارعا جانە باسقا قۇرىلىمدارعا بارۋ ارقىلى وقۋشىلارمەن مانساپتىق باعىتتاۋ جۇمىسىن ۇيىمداستىرۋ جوسپاردا.