نيكولاي نوسوۆتىڭ كىتابىنان ءۇزىندى جاريالاعان عالامتور توبى جەتەكشىسى تەرگەۋگە الىندى،-دەپ حابارلايدى Qamshy.kz اقپارات اگەنتتىگى.

كراسنودار ايماعىنىڭ بلوگەرى ميحايل مالاحوۆ عالامتورعا نيكولاي نوسوۆتىڭ 1964 جىلى جارىق كورگەن كىتابىنان ءۇزىندى كەلتىرگەنى ءۇشىن تەرگەۋگە الىندى. بۇل تەرگەۋگە سەبەپ بولۋى مۇمكىن نارسە اتالمىش كىتاپتىڭ 31ء-شى بولىمىنەن كەلتىرىلگەن ءۇزىندى ەكى رەت: 28 مامىردا جانە 10 تامىزدا جاريالانۋى.

مالاحوۆتىڭ سوزىنە سۇيەنسەك، بۇل ۇزىندىدە پوليسيا قىزمەتكەرلەرىنىڭ ايدا كورسەتكەن جامان مىنەزى سۋرەتتەلەدى. ءۇزىندى جاريالانعان عالامتور توبىنىڭ اتى «راديكالنىە مەچتاتەلي». وسى جازبادان كەيىن توپ جەتەكشىسىنىڭ اتىنا رەسەي فەدەراسياسىنىڭ 282 قىلمىستىق بابىنا سايكەس، پوليسيا قىزمەتكەرلەرىن قوعامعا جەك كورىنىشتى ەتىپ كورسەتكەنى ءۇشىن تەرگەۋگە شاقىرعان. تاڭدانعان مالاحوۆ پوليسيا قىزمەتكەرلەرىنەن: «نەزنايكا نا لۋنتيكە ءمۋلتفيلمى قانداي قيىندىق تۋعىدۋى مۇمكىن؟»، دەپ سۇراعاندا، وعان بۇل جونىندە «لينگۆيستيكا ساراپتاماسى» جاۋاپ بەرەدى دەلىنگەن. ونىڭ ايتۋىنشا، تەرگەۋگە ءالى بارماعان، ءبىراق پوليسيا قىزمەتكەرى ودان دا باسقا جازبالارى تۋرالى سۇراپ، ناقتى نە ءۇشىن سۇراقتىڭ استىنا العانىن ايتپاعان.

مالاحوۆ بۇرىندارى Russia Today جانە Life اتتى ۇكىمەتتى جاقتايتىن باسىلىمداردا قىزمەت اتقارعان.