اقش پرەزيدەنتى دونالد ترامپ رەسپۋبليكالىق سەناتور بوب كوركەردىڭ اق ءۇيدىڭ ساياسي ارەكەتتەرى ءۇشىنشى دۇنيەجۇزىلىك سوعىسقا الىپ كەلۋى مۇمكىن دەگەن مالىمدەمەسىنە جاۋاپ بەردى،-دەپ حابارلايدى Qamshy.kz اقپارات اگەنتتىگى.

امەريكالىق كوشباسشى: «ءبىز ءقازىر دۇرىس جولدامىز، سەنىڭىزدەر»،- دەدى. ونىڭ ايتۋىنشا اق ءۇيدى 25 جىل بويى بيلەگەن وزگە پرەزيدەنتتەر «دۇرىس جولدا بولماعان، ولار الەم بۇرىن سوڭدى كورمەگەن ۇلكەن قاسىرەت جولىنا باعىتتاعان».

ەستەرىڭىزگە سالا كەتەيىك، بۇدان بۇرىن سەنات كوميتەتىنىڭ سىرتقى ىستەر جونىندەگى باسشىسى بوب كوركەر: «دونالد ترامپتىڭ پرەزيدەنت لاۋازىمىنداعى ارەكەتتەرى ونىڭ بۇرىنعى جۇرگىزگەن «كانديدات» اتتى رەاليتي-شوۋىن ەسكە تۇسىرەدى. ونىڭ مۇنداي مىنەز-قۇلقى اقش-تى ءۇشىنشى دۇنيەجۇزىلىك سوعىسقا سەبەپكەر ەتەدى» دەگەن.

ترامپتىڭ «تۆيتتەردە اسقان بەلسەندىلىك كورسەتۋى دە قانشاما رەت ديپلوماتيالىق قيىندىقتار تۋعىزعان» دەدى كوركەر. ءبىراق ناقتى مىسالدار كەلتىرگەن جوق.