بيىل قىرعىزستاندا بولعان پرەزيدەنت سايلاۋى قازاقستان حالقىن ءبىراز دۇرلىكتىرىپ تاستادى. باۋىرلاس حالىقتىڭ پرەزيدەنتى كەلە جاتقان سايلاۋعا بار كۇش-جىگەرىن جۇمساۋدا جانە وتكەن اپتادان باستاپ، بۇل ناۋقاندى قازاقستان حالقى دا قالت جىبەرمەي باقىلاپ وتىر. بۇل تۋرالى Qamshy.kz اقپاراتتىق اگەنتتىگى جازادى.
مۇنىڭ ءبارى اتامبايەۆتىڭ كۇتپەگەن جەردەن قىرعىزستاننىڭ مەملەكەتتىك سىيلىقتاردى تابىستاۋ ءىس-شاراسىندا ايتقان مالىمدەمەسىنەن باستالعان بولاتىن. قىرعىزستان پرەزيدەنتى ءوز سوزىندە قازاقستان باسشىسى نۇرسۇلتان نازاربايەۆتىڭ قىرعىز پرەزيدەنتتىگىنە ۇمىتكەر كانديداتتارعا قولداۋ كورسەتىپ جاتقانىن جانە قازاقستانداعى جوعارعى ەكونوميكالىق كورسەتكىشتەرگە قاراماستان، ۇكىمەت قاراجاتىنىڭ دۇرىس ەمەس جۇمسالۋىن ايتىپ، قىرعىزستاننىڭ ىشكى ساياساتىنا ارالاسپاۋىن سۇراعان بولاتىن.
«اقساق ۇيرەك» كەتەر الدىندا كۇيبەلەڭ سالىپ جاتىر
«اقساق ۇيرەك» - امەريكالىق ساياسي جۇيەدە لاۋازىمىنان كەتپەك بولعان پرەزيدەنكە بەرىلەتىن لاقاپ ات.
قازاقستاندىق مامانداردىڭ ايتۋى بويىنشا، اتامبايەۆتىڭ پرەزيدەنتتىكتەن كەتكەلى جاتقاندا ايتقان سوزدەرى قانشالىقتى ورىنسىز بولسا دا، ونىڭ سەبەبىن تۇسىندىرۋگە ابدەن بولادى.
ماسەلەن، ساياساتكەر، «China Center» قازاق-قىتاي بىرلەستىگىنىڭ ديرەكتورى ءادىل كاۋكەنوۆ: «قىرعىزستاندا ءقازىر تارتىسقا تولى ساياسي ناۋقان وتۋدە. اتامبايەۆ ۇمىتكەرلەردىڭ ءبىرى، بۇرىنعى دوسى جانە سەرىكتەسى سوورونباي جەەنبەكوۆكە جاقتاس بولىپ تۇرعانى انىق. سول سەبەپتى ول جەەنبەكوۆتىڭ قارسىلاسى، قازاقستانعا كەلگەن ومىربەك بابانوۆقا ىزالانىپ، قازاقستان پرەزيدەنتىنە دە ءتىل تيگىزدى».
«بۇركىت بولىپ كورىنگىسى كەلگەن اقساق ۇيرەك» تىركەسىمەن ساياساتكەر انتون موروزوۆ تا كەلىسەدى: «اتامبايەۆ كلاسسيكالىق «اقساق ۇيرەكتىڭ» مىسالى، ول كەتەر الدىندا ابىگەرگە تۇسۋدە، ءبىراق وعان ازداپ ەپتى تۇردە ارەكەت ەتۋ كەرەك ەدى»،-دەدى ول.
استانا قىرعىز ساياساتىنا ارالاسپايدى
نۇرسۇلتان نازاربايەۆتىڭ بابانوۆتى قابىلداۋىن وعان تىكەلەي قولداۋ كورسەتۋى دەپ قابىلداۋ تۇبەگەيلى قاتە وي.
ءادىل كاۋكەنوۆتىڭ ايتۋىنشا، استانا قىزعىزستانمەن جاقسى قارىم قاتىناس ورناتۋ ءۇشىن بارلىق ساياسي كۇشتى پايدالانا ءبىلۋى كەرەك. ءتىپتى قازاقستانعا ساپارلاپ كەلگەن ۇمىتكەر جەڭىلىپ قالسا دا، ونىمەن ورناتىلعان بايلانىس ءاردايىم ءوز سەپتىگىن تيگىزەدى. ۇمىتكەر بولاشاقتا دا قىرعىزستاننىڭ لاۋازىمدى قىزمەتتەرىنەن كورىنۋى انىق.
ماماننىڭ ايتۋىنشا، قازاقستان باۋىرلاس ەلگە ەكونوميكالىق ىقپال جاساي العانمەن، ونىڭ ىشكى ساياسي جاعدايىنا ارالاسپاعانى انىق.
ەموسياعا سالىنۋ بولەك، دوستىق بولەك
بولار ءىس بولدى، الايدا قازاقستاندىق ماماندار اتامابايەۆتىڭ مالىمدەمەسى قازاق-قىرعىز دوستاستىعى ءۇشىن ايتارلىقتاي وزگەرىس اكەلە قويمايتىندىعىن العا تارتادى.
ماسەلەن، ساياساتكەر ەدۋارد پولەتايەۆتىڭ پىكىرىنشە، «قازاقستان مەن قىرعىزستان اراسىنداعى شيەلەنىستەردى كۇتۋدىڭ قاجەتى جوق، ونىڭ ورنىنا كورشىلەس مەملەكەتتە سايلاۋ ناۋقانى ەش قيىندىقسىز، اشۋلى حالىقتىڭ كوشەگە شىعۋى بولماي، تىنىش وتكەنىن تىلەيىك»،-دەدى ول.
ەۋرازيالىق ەكونوميكالىق وداقتىڭ تىنىش ۇيىقتاۋىنا بولادى
ساراپشىلار المازبەك اتامبايەۆتىڭ «ەموسياعا بەرىلىپ» جاساعان مالىمدەمەسىنىڭ ەەو-عا اسەرى جوعارىدا ايتىلعانداي، ەش وزگەرىس اكەلمەيتىنىن ءبىر اۋىزدان قولداپ وتىر.
ەدۋارد پولەتايەۆتىڭ ايتۋىنشا، ازىرشە قىرعىزستان ەەو-دان شىعۋعا نيەت بىلدىرمەيدى.
