رەسەي پرەزيدەنتى ۆلاديمير پۋتين ەۋروپالىق ەكونوميكالىق  وداق وتىرىسىندا قازاقستان پرەزيدەنتى نۇرسۇلتان نازاربايەۆقا كەلىپ، ونىمەن جەكەشە سويلەستى. وسى ساتتە تۇسىرىلگەن بەينەجازبا Instagram، Facebook  سىندى الەۋمەتتىك جەلىلەردە ءجۇر.

دەگەنمەن، ول بەينەتاسپادا ءپۋتيننىڭ نازاربايەۆقا نە دەپ جاتقاندىعى بەلگىسىز. بۇل تاسپانى ءوزىنىڭ Facebook پاراقشاسىنا جۇكتەگەن ميحايل ۆوزنيۋك اتتى قولدانۋشى «بۇدان قورقۋ كەرەك پە، قۋانۋ كەرەك پە بىلمەيمىن» دەپ جازدى. بۇل تۋرالى Qamshy.kz اقپاراتتىق اگەنتتىگى Tengrinews.kz سايتىنا سىلتەمە بەرە وتىرىپ حابارلايدى.

ەستەرىڭىزگە سالا كەتەيىك، سوچيدە تمد ەلدەرىنىڭ ەەو جوعارعى كەڭەسىنىڭ كەزدەسۋى بولىپ جاتقان. تاۋەلسىز ەلدەر دوستاستىعىنا: قازاقستان، رەسەي، بەلارۋسيا، ارمەنيا جانە قىرعىزستان ەلدەرى  كىرەدى.

اتالمىش كەزدەسۋدە نۇرسۇلتان ءابىش ۇلى تمد ەلدەرىنىڭ ەركىن ساۋدا جاساۋ جۇمىستارىن ىسكە قوسۋ تۋرالى ايتتى. «تمد ەلدەرى اراسىنداعى ەركىن ساۋدا قاتىناسى ءبىزدىڭ كاسىپكەرلەرگە ءتيىمدى ساۋدا-ەكونوميكالىق قارىم-قاتىناس جاساۋعا سەپتىگىن تيگىزىپ، سەرىكتەس ەلدەردىڭ ەكونوميكاسىن جاڭا دەڭگەيگە كوتەرەدى. ەركىن ساۋدا قاتىناسىن تەز ارادا ىسكە-اسىرۋدى ۇسىنامىن»، - دەدى نازاربايەۆ.