ق ر ۇلتتىق قاۋىپسىزدىك كوميتەتى مەملەكەتتىك شەكارانىڭ بارلىق پەريمەترى بويىنشا، ونىڭ ىشىندە قازاق-قىرعىز ۋچاسكەسىندە جوسپارلى شەكارالىق وپەراسيا جۇرگىزىپ جاتىر، - دەپ حابارلايدى Qamshy.kz اقپارات اگەنتتىگى Tengrinews.kz سايتىنا سىلتەمە جاساپ.

"وپەراسيانىڭ ماقساتى - شەكارا كەڭىستىگىندە زاڭعا قايشى ارەكەتتەردىڭ، تەرروريستىك، كونتراباندالىق جانە وزگە دە قىلمىستىق ءىس-قيمىلدىڭ جولىن كەسۋ، شەكارالىق رەجيمنىڭ جانە كوشى-قون زاڭناماسىنىڭ ساقتالۋىن قاداعالاۋ. وسىعان وراي شەكارادان وتەتىن تۇلعالاردى، كولىك قۇرالدارى، جۇكتەر مەن تاۋارلاردى تەكسەرۋ كۇشەيتىلدى. سونىمەن بىرگە، شەكارانى وتۋگە قانداي دا ءبىر شەكتەۋلەر مەن تىيىمدار سالىنعان جوق. ۇقك شەكارا قىزمەتى بولىمشەلەرى جانە اسكەري قىزمەتكەرلەرىنىڭ ىس-ارەكەتى قازاقستان جانە شەتەل ازاماتتارىنىڭ قۇقىقتارى شەكتەلمەي، قاتاڭ زاڭناما شەڭبەرىندە ىسكە اسىرىلىپ جاتىر"، - دەپ حابارلادى ق ر ۇقك باسپا ءسوز قىزمەتىندەگىلەر.

ەسكە سالا كەتەيىك، وسىعان دەيىن قازاقستان-قىرعىزستان شەكاراسىندا بىرنەشە شاقىرىمعا سوزىلعان كەپتەلىس بولعانى حابارلانعان ەدى. "قىرعىز رەسپۋبليكاسىندا پرەزيدەنت سايلاۋىنا دايىندىق جانە سايلاۋدىڭ وتۋىنە بايلانىستى قىرعىزستاننىڭ مەملەكەتتىك شەكارا قىزمەتى كۇشەيتىلگەن رەجيمگە ءوتتى"، - دەگەن ەدى قىرعىزستاننىڭ شەكارا قىزمەتىندەگىلەر.