كراسنوزەر اۋدانى «نوۆوسيبيرسك-پاۆلودار» تراسساسىندا 21 جاستاعى كولىك جۇرگىزۋشىسىن جۇك كولىگى سوعىپ، سونىڭ سالدارىنانا ادام ءولىمى ورىن العان، دەپ جازادى Qamshy.kz اقپارات اگەنتتىگى جەرگىلىكتى باق-تىڭ مالىمەتىنە سۇيەنىپ.

نوۆوسيبيرسك وبلىسى ءىىم باسقارماسىنىڭ حابارلاۋىنشا، 10 قازاندا تاڭعا جۋىق Mitsubishi Canter كولىگىن باسقارعان 34 جاستاعى كاراسۋك تۇرعىنى «نوۆوسيبيرسك-پاۆلودار» تراسساسى بويىمەن قوزعالىپ كەلەدى. 5:40-تا 279 شاقىرىمدا جولدىڭ وڭ جاق بولىگىندە تۇراقتا تۇرعان DAF جۇك كولىگىنە بارىپ سوقتىعىسادى. 21 جاستاعى جۇك كۇلىگىنىڭ جۇرگىزۋشىسى سول ۋاقىتتا كولىك دوڭعالاقتارىن اۋىستىرۋمەن اينالىسىپ جاتقان.

اپات سالدارىنان جۇكى كولىگىنىڭ جۇرگىزۋشىسى وقيعا ورنىندا قازا تاپتى. سونداي-اق ونىڭ قازاقستان ازاماتى ەكەنى انىقتالدى. قازىرگى ۋاقىتتا اپاتقا بايلانىستى تەرگەۋ جۇمىستارى جۇرگىزىلۋدە.