يەمەنگە ازىق-تۇلىك جەتكىزۋگە تيىم سالعان ساۋد ارابياسى يەمەندىكتەردىڭ اشتان قىرىلۋىنا سەبەپكەر بولدى،- دەپ Qamshy.kz اقپاراتتىق اگەنتتىگى Reuters مالىمەتىنە سۇيەنە وتىرىپ جازادى.

وتكەن جىلدىڭ سوڭىندا cينگاپۋرلىق «كوتا نازار» اتتى 636 كونتەينەرى بار: بولات، قاعاز، مەديسينا جانە باسقا دا تاۋارلارىمەن يەمەندەگى سوعىستان زارداپ شەككەن ەڭ ۇلكەن جۇك پورتى حودەيداعا بەتتەگەن.

الايدا، سوڭعى 30 ايدا يەمەندى ازىق-تۇلىكپەن قامتاماسىز ەتكىسى كەلگەن باسقا كەمەلەر سياقتى «كوتا نازار» دا وندا جەتكەن جوق. ويتكەنى، ساۋد ارابياسىنىڭ اسكەرى كەمەلەردى قىزىل تەڭىزدەگى يەمەن پورتتارىنا وتكىزبەي، جولدى جاۋىپ تاستادى.

ساۋد ارابياسى جانە ونىڭ باسقا دا اراب وداقتاستارى 2015 جىلدان باستاپ يەمەن سۋىندا جانە ونىڭ اينالاسىنداعى تەڭىز پورتتارىنا اسكەري كۇشتەرىن ورنالاستىرا باستاعان. ال باتىس ەلدەرى بولسا، ساۋد ارابياسى يەمەننىڭ تانىلعان حالىقارالىق ۇكىمەت ەكەندىگىن جوققا شىعارعىسى كەلەتىندىگىن مويىندايدى.

بۇل بلوكادا وتە ماڭىزدى ماسەلە، ءتىپتى، قارۋ-جاراعى جوق، تەك ازىق-تۇلىك قانا تاسىمالدايتىن كەمەلەردىڭ ءوزى يەمەنگە جىبەرىلمەي وتىر.

A U.N. اتتى  2016 جىلدىڭ مامىرىندا ساۋدا-ساتتىق تاۋارلارىنىڭ كەيبىرىن توسقاۋىلدان شىعارۋ ءۇشىن قۇرىلعان جۇيەنىڭ ءوزى يەمەن حالقىنا قاجەتتى تۇرمىستىق زاتتارمەن قامتاماسىز ەتۋدى دە ىسكە اسىرا المادى.

بىرىككەن ۇلتتار ۇيىمىنا سۇيەنسەك، 28 ميلليون حالقى بار يەمەندى وقشاۋلاتۋدىڭ سالدارىنان حالقىنىڭ تورتتەن ءبىر بولىگى اشتان قىرىلۋدا. سوعىس ەلدەگى 10 000 ادامنىڭ ءومىرىن قيدى. جارتى ميلليونعا جۋىق بەس جاس شاماسىنداعى بالالار تاماقتانباۋدىڭ سالدارىنان اۋرۋعا شالدىعۋدا. ماسەلەن، سوڭعى التى ايدا 2 135 ادام، ىشىندە كوبىنە بالالار بار يەمەندىكتەر تىرىسقاق اۋرۋىنان قازا تاپقان.  

كومەك كورسەتۋ اگەنتتىكتەرى وسى جىلى يەمەنگە زات تاسىمالداۋدى ۇلعايتقانمەن، ول حالىققا تۇك تە بولمايدى. سەبەبى، يەمەن 85% ازىق-تۇلىك زاتتارى مەن دارى-دارمەكتەردى شەتەلدەن تاسىمالدايدى، ءبىراق سوڭعى كەزدە تاۋار تاسىمالداۋ مۇلدەم ازايىپ كەتتى. سالىستىرۋ ءۇشىن 2014 جىل مەن بيىلعى جىلدى الايىق: وسى جىلدىڭ وتكەن 8 ايىندا يەمەنگە نەبارى 21 كونتەينەر جەتكىزىلسە، 2014 جىلى الدىڭعى سەگىز ايدا 129 كونتەينەر قانشاما ەسە كوپ زات تاسىمالداعان.

ساۋد ارابياسىنىڭ اقش-تاعى ەلشىسى ابدۋللا ال-مواليمي وتكەن اپتادا يەمەنگە ازىق-تۇلىك پەن مەديسينالىق زاتتاردىڭ جولدا وتكىزىلمەي، تىيىم سالىنىپ جاتقاندىعىن جوققا شىعاردى. ول «يەمەنگە بارلىق تاۋارلار جەتكىزىلۋدە» دەدى.

كومەك كورسەتۋ كەمەلەرى جولدا ۇستالعان. ولاردىڭ بىرەۋى 300 مىڭ ادامعا جەتەتىن انتيبيوتيكتەردى، حيرۋرگيالىق قۇرالداردى جانە تىرىسقاق پەن بەزگەككە قارسى دارى-دارمەكتەردى جەتكىزبەك بولعان. بۇل كەمە ءۇش ايعا جۋىق تۇرىپ قالعان، ونىڭ بارىسىندا $20،000 قارجىنى قۇرايتىن دارى-دارمەك مەرزىمى اياقتالىپ، زاقىمدانعان.

ال وتكەن شىلدە ايىندا يەمەننىڭ ايلىق قولدانىسىنىڭ 10 پايىزىن قۇرايتىن 71،000 توننا وتىن ەلگە تاعى دا جىبەرىلمەدى. ال ولاردىڭ ەكەۋى تەك ەكى اپتادان كەيىن عانا يەمەنگە كىرۋگە رۇقسات العان.

وسىنداي تىيىم سالۋلاردىڭ سالدارىنان يەمەن حالقى اشتىقتان قىرىلۋدى.