گەرمانيانىڭ ماينداعى فرانكفۋرت قالاسىندا 12 قازانعا قاراعان ءتۇنى اتى اڭىزعا اينالعان «گەتە مۇناراسى» تولىعىمەن ورتەنىپ كەتتى دەپ حابارلايدى Qamshy.kz اقپارات اگەنتتىگى segodnya.ua-عا سىلتەمە جاساي وتىرىپ. ءورت سوندىرۋشىلەر قۇرىلىستى قۇتقارۋ مۇمكىن بولماعانىن مالىمدەدى.

ءورت سوندىرۋشىلەر كەلىپ جەتكەن ساتتە تولىعىمەن ءورت جاۋلاپ ۇلگەرگەن اعاش عيمارات قيراي باستاعان.
بيىكتىگى 22 مەتر اعاش عيمارات 1867 جىلى تۇرعىزىلعان. ءبىرىنشى دۇنيەجۇزىلىك سوعىستىڭ اياعىنا تامان توزىعى جەتكەن عيماراتقا جوندەۋ جۇمىستارى جۇرگىزىلگەن.

1931 جىلى گەتەنىڭ  ومىردەن وزعانىنا 100 جىل تولۋىنا وراي 43 مەترلىك عيمارات تۇرعىزىلعان. ونىڭ اينالاسىنا 3 گا جۋىق ساياباق كورىك بەرىپ تۇر. 2014 جىلى كوكتەمدە عيمارات كۇردەلى جوندەۋدەن كەيىن اشىلعان بولاتىن.

مۇنارا قالانىڭ ەڭ تانىمال عيماراتتارىنىڭ بىرىنە اينالىپ، گەرمانياداعى ەڭ بيىك اعاش مۇنارالاردىڭ بەستىگىنە ەنگەن.