پاكىستاندا تۇرمىس جاعدايى تومەن وتباسىلاردىڭ بالالارى وقيتىن تەگىن مەكتەپ جۇمىس ىستەيدى، دەپ جازادى Qamshy.kz اقپارات اگەنتتىگى. مەكتەپ كاراچي قالاسىندا ورنالاسقان.

وقۋ ورنى ماتامەن قورشالعان، شاتىرى دا قولدان جاسالعان. سوعان قاراماستان پاكىستاندىق وقۋشىلاردىڭ ءبىلىم الۋعا دەگەن ىنتالارى زور.

شاگۋفتا نافيس ءۇشىن بۇگىندە ءار كۇن مەيرام. سەبەبى ول تەگىن مەكتەپتە ءبىلىم الاتىن وقۋشى قىز. كۇنى كەشە بولاشاعى قاراڭ بولۋى مۇمكىن ەدى. وتباسىنىڭ جاعدايى تومەن بولعاندىقتان شاگۋفا ءوزى ءبىلىم الىپ جاتقان مەكتەپتى تاستاۋىنا تۋرا كەلدى. ەندىگى ونىڭ ءبىلىم الىپ، بولاشاعىن ايقىنداۋعا وقىتۋشى-ەرىكتىلەر كومەكتەسەتىن بولادى.

- اتا-انام مەنى مەكتەپكە جىبەرە المايدى. ويتكەنى وتباسىمىزدا بالا كوپ. پاتەر جالداپ تۇرامىز. سوندىقتان انام تەگىن مەكتەپ تۋرالى ەستىپ، بىردەن مەنى سوندا جىبەردى. ماعان اسىرەسە ۋردۋ ءتىلىن وقىعان ۇنايدى. بولاشاقتا اسكەرگە بارىپ، وتان الدىنداعى مىندەتىمدى اتقارعىم كەلەدى، - دەيدى مەكتەپ وقۋشىسى شاگۋفتا نافيس.

- بۇل جەر ءبىراز شۋلى. ايتقاندارىمدى وقۋشىلار ەستىمەي جاتادى. بالالاردىڭ كوبى كوشەدە قايىر تىلەپ جۇرگەندەر، جارتىسىنىڭ وتباسىلىق جاعدايى تىم تومەن. الايدا، ءبارىنىڭ وقۋعا دەگەن ىنتاسى زور. ولاردى بولاشاقتا تابىستى كۇندەر قارسى الۋ ءۇشىن ءبىز بارىمىزدى سالامىز، - دەدى وقىتۋشى-ەرىكتى سانا رياز.