ەلىمىزدە لاتىن الىپبيىنە كوشۋگە قاتىستى قاجەتتى ءارى پايدالى اقپارات الۋعا بولاتىن ينتەرنەت-پورتال ىسكە قوسىلماق، دەپ حابارلايدى Qamshy.kz اقپارات اگەنتتىگى.
بۇل تۋرالى بۇگىن ورتالىق كوممۋنيكاسيالار قىزمەتىنىڭ الاڭىندا وتكەن باسپا ءسوز كونفەرەنسيادا ش.شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعىنىڭ ديرەكتورى ەربول تىلەشوۆ حابارلادى. سوزىنشە، قازىرگى ۋاقىتتا «قازلاتىن» اتتى ينتەرنەت-پورتال اشۋ جوسپارلانىپ وتىر. وندا قولدانۋشىلار لاتىن الىپبيىنە كوشۋگە قاتىستى بارلىق جاڭالىقتاردى تابا الادى.
- وسىنداي سايتتار، پورتالدار ءبىزدىڭ جاساپ جاتقان جۇمىسىمىزدى جەڭىلدەتەدى. قانداي جۇمىستار بولىپ جاتىر، قانداي نارسەلەر ىستەلۋ كەرەك، قانداي عىلىمي شارالار بار، سولاردىڭ بارلىعىنان حاباردار ەتەتىن بولامىز سىزدەردى، - دەدى ەربول تىلەشوۆ.
جاڭا ءالىپبي بىرەر كۇن بۇرىن مەملەكەت باسشىسىنا تانىستىرىلعان ەدى. ەربول تىلەشوۆتىڭ ايتۋىنشا، جۇمىس توبىنا ەلىمىزگە تانىمال 5 عالىم كىرگەن. ال، ءالىپبيدىڭ جوباسىن جاساۋعا اتسالىسقان ماماندارعا قوسىمشا قاراجان تولەنبەگەن.
لاتىن الىپبيىنە كوشۋ – قازاقتىڭ ءتول دىبىستارىن اشۋعا سەپتىگىن تيگىزەدى. بۇگىن ش.شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعىنىڭ ديرەكتورى ەربول تىلەشوۆ ورتالىق كوممۋنيكاسيالار قىزمەتىندە وسىلاي دەدى. ونىڭ ايتۋىنشا، كەلەسى جىلدان باستاپ وسى سالادا قىزمەت اتقاراتىن ارنايى ماماندار دايىندالادى.
ەستەرىڭىزگە سالا كەتەيىك، بىرەر كۇن بۇرىن مەملەكەت باسشىسىنا ءالىپبيدىڭ جاڭا نۇسقاسى تانىستىرىلعان بولاتىن. ءالىپبيدىڭ جوباسىنا قاتىستى 20 مىڭنان استام ادام ءتۇرلى پىكىر بىلدىرگەن. ولاردىڭ كوپشىلىگى الىپبيگە بايلانىستى، سونىمەن قاتار، جەكەلەگەن دىبىستار مەن ەنگىزىلۋ ەرەكشەلىگىنە بايلانىستى بولدى.
«ءبىز ەلباسىنا ديگرافپەن كىرگەنبىز. ول كىسى، ول جەردە ءوزىنىڭ ۇسىنىسىن ايتتى جانە ول ۇسىنىس وتە دۇرىس بولدى. بىزدە ونداي ۇسىنىس بولعان، ءبىراق ءبىز ورتاق مامىلەگە كەلە الماعانبىز. سول ورتاق شەشىمدى ەلباسى تاۋىپ بەردى»، - دەدى ەربول تىلەشوۆ.
