رەسەي فەدەراسياسىنا جۇمىس ساپارى بارىسىندا قازاقستان رەسپۋبليكاسىنىڭ ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆ رف مۇسىلماندارى ءدىني باسقارماسىنىڭ ءتوراعاسى راۆيل گاينۋتدينمەن كەزدەستى دەپ حابارلايدى Qamshy.kz اقپارات اگەنتتىگى.
رەسەي فەدەراسياسى مۇسىلماندارى ءدىني باسقارماسىنىڭ ءتوراعاسى راۆيل گاينۋتدينمەن كەزدەسۋ بارىسىندا نۇرلان ەرمەكبايەۆ قازاقستان رەسپۋبليكاسى ءدىن ىستەرى جانە ازاماتتىق قوعام مينيسترلىگىنىڭ قىزمەتى تۋرالى اڭگىمەلەدى.
«مەملەكەتتىڭ ءدىن سالاسىنداعى ستراتەگيالىق ماقساتى - مەملەكەت پەن ءدىننىڭ ءوزارا ارەكەتتەسۋىنىڭ قازاقستاندىق مودەلىن بارىنشا جەتىلدىرۋ بولىپ تابىلادى، ول زايىرلى قۇندىلىقتاردىڭ باسىمدىقتارىنا جانە دەسترۋكتيۆتىك ءدىني ۇردىستەرگە مۇلدەم توزبەۋشىلىكتى قالىپتاستىرۋعا نەگىزدەلەدى»، - دەدى نۇرلان ەرمەكبايەۆ.
قازىرگى ۋاقىتتا قازاقستان مەن رەسەي اراسىندا ءدىن سالاسىنداعى ىنتىماقتاستىق تۋرالى ءبىرقاتار حالىقارالىق شارتتار كۇشىنە ەنگەن. اتاپ ايتقاندا، نۇر-مۇباراك ۋنيۆەرسيتەتى مەن ماسكەۋ يسلام ۋنيۆەرسيتەتى اراسىندا مەموراندۋم، رفمدب (رەسەي فەدەراسياسى مۇسىلماندارى ءدىني باسقارماسى) جانىنداعى رەسەي يسلام ينستيتۋتى مەن ماسكەۋ يسلام ۋنيۆەرسيتەتى جانە قمدب (قازاقستان مۇسىلماندارى ءدىني باسقارماسى) اراسىندا ارىپتەستىك ورناتىلىپ، مەموراندۋم بەكىتىلگەن.
مينيستر نۇرلان ەرمەكبايەۆتىڭ ايتۋىنشا، قول قويىلعان كەلىسىمدەر ازاماتتاردىڭ رۋحاني تۇرعىدا دامۋىنا نەگىزدەلگەن.
«ءدىني سالانى رەتتەۋ جانە دەسترۋكتيۆتىك ءدىني يدەيالاردان حالىقتى قورعاۋ، ءدىني ەكسترەميستىك ۇيىمداردىڭ ىقپالىنا ۇشىراعان ادامدارعا قول ۇشىن سوزۋ جانە رۋحاني ءبىلىم بەرۋ سالالارىندا تاجىريبە الماسۋدى دامىتۋ شەڭبەرىندە جاسالاتىن جۇمىستار ءبىزدىڭ قوعامدا بەيبىتشىلىك پەن كەلىسىمنىڭ ودان ءارى نىعايۋىنا ىقپال ەتەدى»، - دەپ ءوز پىكىرىن ءبىلدىردى نۇرلان ەرمەكبايەۆ.
قازاقستان تاراپى حالىقتى ءدىني تۇرعىدا ساۋاتتاندىرۋ جانە كونفەسسياارالىق كەلىسىمدى نىعايتۋعا باعىتتالعان بىرلەسكەن ءىس-شارالاردى وتكىزۋدى، سونداي-اق يمامداردى دايىنداۋ جانە قايتا دايارلاۋ بويىنشا تاجىريبە الماسۋدى ۇسىندى.
