قىرعىز رەسپۋبليكاسىنداعى تابيعي-كليماتتىق جاعدايلارعا بايلانىستى قازاقستان ۇكىمەتى كورشى مەملەكەتكە گۋمانتارلىق كومەك كورسەتۋ تۋرالى شەشىم شىعاردى، - دەپ حابارلايدى Qamshy.kz اقپارات اگەنتتىگى Tengrinews.kz سايتىنا سىلتەمە جاساپ.
بۇل تۋرالى ق ر ۇكىمەتىنىڭ 2017 جىلدىڭ 9 قازانىنداعى "قىرعىز رەسپۋبليكسىنا رەسمي تۇردە گۋمانيتارلىق كومەك كورسەتۋ" تۋرالى № 632 قاۋلىسىندا ايتىلادى.
قىرعىز رەسپۋبليكاسىنا رەسمي تۇردە كومەك كورسەتۋ ماقساتىندا مەملەكەتتىك ماتەريالدىق رەزەرۆتەن ماتەريالدىق قۇندىلىقتاردى بروننان اجىراتۋ تاپسىرىلدى. گۋمانيتارلىق كومەكتىڭ ىشىندە كەسىلگەن تاقتاي، مەتاللپروكات جانە اعاشتان جاسالعان باعانالار بار.
"ق ر سىرتى ىستەر مينيسترلىگىنە گۋمانيتارلىق كومەكتى قابىلدايتىن ادامدى انىقتاپ، كومەكتى جەتكىزۋ ماسەلەسىن ۇيلەستىرۋ تاپسىرىلدى. ق ر ينۆەستيسيالار جانە دامۋ مينيسترلىگىنە گۋمانيتارلىق كومەكتى دەر كەزىندە ءتيىس جەرگە قىرعىز رەسپۋبليكاسىنا جەتكىزۋگە قاتىستى ماسەلەنى شەشۋ تاپسىرىلدى"، - دەلىنەنگەن قاۋلىدا.
ءوز كەزەگىندە قورعانىس جانە اەروعارىش ونەركاسىبى، قارجى جانە ينۆەستيسيالار جانە دامۋ مينيسترلىگىنە وسى قاۋلىداعى شارالاردى قولعا الۋ تاپسىرىلدى.
