قۇلسارىلىق عاشىقتار مارلەن مەن انەل جاقىندا ۇيلەنۋ تويىن جاساماق، دەپ جازادى Qamshy.kz اقپارات اگەنتتىگى. بۇل تۋرالى نتك ارناسى ءمالىم ەتتى.

بۇگىن باقىتتى كۇندەرىن باستان كەشىپ جاتقان مارلەن مەن انەل، كەزىندە كوپ قيىنشىلىقتى بىرگە كوردى. ءتىپتى ەكى جاستىڭ سىزات تۇسپەگەن سەزىمىنە قازنەت قولدانۋشىلارى دا تالاي مارتە ءتانتى بولعان ەدى. الايدا تاياقتىڭ ەكى ۇشى بار. وسىدان 7 جىل بۇرىن سۇيىكتىسى سىرقاتقا شالدىققان ساتتە وقۋىن تاستاپ، قيىن كەزەڭدەردە قىزىنىڭ جانىندا بولعان عاشىق جىگىتتى سىناعانداردىڭ سانىندا شەك بولماپتى.

«قارسىلىق بىلدىرگەندەر بولدى. ءقازىر ءبارى اللاعا شۇكىر جاقسى. ءبارى ورىنىنا كەلدى دەپ ايتۋعا بولادى، دالىرەك ايتقاندا. بۇرىن ايتقان ادامداردا ءقازىر تۇسىنىستىكپەن قارادى، ءومىر بولعان سوڭ قاتەلەسەدى، قاتەلەسپەيتىن ادام بولمايدى عوي. ونىڭ بارلىعىنا تۇسىنىستىكپەن قارايمىن. مەنىڭ ەشكىمگە دە رەنىشىم جوق. تەك ءوزىمنىڭ وتباسىم، بولاشاق جان جارىم، الداعى ءومىرىم ءوزىمنىڭ ويىمداعىداي بولسا ەكەن»، – دەيدى مارلەن.

ءيا، بىر-بىرىنە دەگەن ادال ماحابباتى، ءقازىر ەكى جاسقا تانىمالدىلىقتى دا تارتۋ ەتتى. الايدا تالايدى تامساندىرعان قوس عاشىق قاراپايىم قالىپتان تانباق ەمەس.

ءبارىن ايت تا ءبىرىن ايت! وسىدان 2 جىل بۇرىن نەكەسىن قيدىرعان مارلەن مەن انەل قازىرگى تاڭدا ءدۇبىرلى تويعا ازىرلىكتى باستاپ كەتكەن. ادالدىعىمەن تالاي جاستارعا ۇلگى بولعان قۇلسارىلىق قوس عاشىقتىڭ قۋانىشتى حابارى بار!

«اللا قالاسا، بولادى توي. جاقىندا مىندەتتى تۇردە. اللاھتىڭ قالاۋىمەن!» – دەيدى مارلەن مەن انەل.