شىمكەنتتە ورنالاسقان Kaspi bank بولىمشەسىنە قاراقشىلىق شابۋىل جاسالدى. بەلگىسىز ادام بانككە باسا كوكتەپ كىرىپ، كاسساسىن توناپ كەتكەن دەپ حابارلايدى Qamshy.kz اقپارات اگەنتتىگى. بۇل تۋرالى بانكتىڭ Instagram الەۋمەتتىك جەلىسىندەگى پاراقشاسىندا جاريا ەتىلدى.

كەلەڭسىز جاعداي كەشە 13 قازان كۇنى كەشكى ساعات 20:00-دەر شاماسىندا بولعان. بانكتىڭ باسپا ءسوز قىزمەتىنەن حابارلانعانداي، قاراقشىلىق شابۋىل كەزىندە بانك قىزمەتكەرلەرى مەن كليەنتتەر زارداپ شەكپەگەن.

«بەلگىسىز بىرەۋ بانككە كەلىپ، توناپ كەتكەن. وسى كەزدە بانك قىزمەتكەرلەرى  دەرەۋ دابىل تەتىگىن باسىپ، ءتارتىپ ساقشىلارىنا حابار بەردى. ءقازىر وقيعا ورنىندا پوليسەيلەر جۇمىس ىستەپ جاتىر. بانكتىڭ قاۋىپسىزدىك قىزمەتى قىلمىسكەرلەردى انىقتاۋ  ءۇشىن  بارلىق اقپاراتتى بەرىپ، ءتارتىپ ساقشىلارىمەن بەلسەندى جۇمىس ىستەۋدە.

ناقتى قانشا قارجى تونالعانى انىقتالۋدا»، - دەلىنگەن Kaspi bankءى باسپا ءسوز قىزمەتىنىڭ تاراتقان مالىمدەمەسىندە. سونداي-اق، بانك وكىلدەرى قىلمىسكەر تۋرالى بىلەتىندەر بولسا بانكتىڭ قاۋىپسىزدىك قىزمەتىنە:  +7 747 388 29 34 نومىرىنە حابارلاسۋلارىن سۇرادى. قۇپيالىلىق بولاتىنىنا كەپىل بەرىپ وتىر. تەرگەۋ شارالارى جۇرگىزىلىپ، ۇرلانعان اقشانىڭ سومماسى ناقتىلانۋدا.