ۇلىنىڭ تۋۋ تۋرالى كۋالىگىن جاساتۋعا بارعان شىمكەنت قالاسىنىڭ 25 جاستاعى تۇرعىنى قۇجاتتارعا سايكەس ءوزىنىڭ 16 جىل بۇرىن  ءولءىپ قالعانىن انىقتادى.

16 جىل ولدىگە سانالعان باعدات ءجۇمادىلوۆقا قورقىنىشتى جاڭالىقتى حقكو-نىڭ قىزمەتكەرلەرى جەتكىزگەن. قۇجاتتارعا سايكەس، ول 16 جىل بۇرىن قايتىس بولعان، دەپ Qamshy.kz اقپارات اگەنتتىگى informburo.kz سايتىنا سىلتەمە جاساپ حابارلايدى.

ءولى دەپ ەسەپتەلگەن 25 جاستاعى ازامات قالىپتى ءومىر ءسۇردى: ديپلوم الدى، اسكەرگە بارىپ، بورىشىن وتەدى، ۇيلەندى. تاڭقالارلىعى سول، ءوزىنىڭ 16 جىل قايتىس بولعانداردىڭ تىزىمىندە بولعانىن ۇلىنا تۋۋ تۋرالى كۋالىك جاساتۋ كەزىندە عانا بىلگەن.

«مەن ءتىرىمىن، ءبىراق قۇجات بويىنشا ولگەن ادام ەكەنمىن. وسىعان دەيىن حقكو-نىڭ قىزمەتكەرلەرى بۇل احاج ءبولىمىنىڭ كىناسى دەگەن. ەندى ءقازىر جۇمىسپەن قامتۋ جانە الەۋمەتتىك باعدارلامالار ورتالىعىن ايىپتاپ وتىر. ايتۋلارىنشا: «قۇجاتتاعى قاتەلىكتى قىزىلوردا وبلىسى، شيەلى اۋدانى جىبەرگەن. ءبىراق، مەن دە مەنىڭ وتباسىم دا ول جاقتا ەشقاشان بولىپ كورمەگەن. مەن سوندا شيەلىدە قالاي ءولۋىم مۇمكىن؟..» - دەپ باعدات ءجۇمادىلوۆ توسىن جاڭالىققا تاڭعالدى.

مۇنداي سۇمدىق قاتەلىكتى كىم جاسايدى؟ حقكو مەن احاج ءبولىمى كىمنىڭ كىنالى ەكەنىن ايتا الماي وتىر. ءتىرى ازاماتتىڭ ءوزى دە كىنالىلەردى ىزدەۋگە نيەتتى ەمەس.  احاج ءبولىمى ەكى اپتا ىشىندە باعدات ءجۇمادىلوۆتى تىرىلەردىڭ قاتارىنا قوسۋعا ۋادە ەتتى.

«ءبىز ونىڭ ءوتىنىشىن جوعارى ورگانعا – قازاقستان رەسپۋبليكاسى ادىلەت مينيسترلىگىنە جىبەرەمىز. سولاي عانا ماسەلە شەشىلەتىن بولادى. ال بۇل كىسىنى قازا بولعانداردىڭ قاتارىنا كىم قوسقانى تۋرالى دەرەكتەر جوق»، - دەيدى شىمكەنت قالاسىنداعى احاج ءبولىمىنىڭ وكىلى كلارا تىلەۋوۆا.