الماتى وبلىسىنىڭ پوليسەيلەرى ۇيىنەن قاشقان ەكى ءجاسوسپىرىمدى تاۋىپ الىپ، اتا-انالارىنا قايتاردى، دەپ Qamshy.kz اقپارات اگەنتتىگى sputniknews.kz سايتىنا سىلتەمە جاساپ حابارلايدى.

جاسوسپىرىمدەر جاعدايى تومەن وتباسىندا تاربيەلەنىپ وتىر. بۇعان دەيىندە ۇيدەن قاشۋ ارەكەتتەرى جاسالعان.

كامەلەتكە تولماعان جەتكىنشەكتەر ەڭبەكشى قازاق اۋدانى، شەلەك اۋىلىندا تۇرادى. قىركۇيەك ايىنىڭ سوڭىندا 16 جاسار ءجاسوسپىرىم بالا جوعالىپ كەتسە، 17 جاسار بويجەتكەن قىزعا قازان ايىنىڭ باسىنان بەرى ىزدەۋ سالىندى.00

"ەكى ءجاسوسپىرىمنىڭ الەۋمەتتىك جاعدايى تومەن وتباسىندا تۇراتىنى جانە ولار بۇعان دەيىن دە بىرنەشە رەت ۇيلەرىنەن قاشىپ كەتىپ جۇرگەندەرى انىقتالدى. ەڭبەكشى قازاق ءاىىد پوليسيا قىزمەتكەرلەرى جوعالعان كامەلەتكە تولماعان جاسوسپىرىمدەردى الماتى قالاسىنان تاپتى. ولار كوشەدە جۇرگەن. بوزبالا اۆتوۆوكزال ماڭىنان، ال بويجەتكەن قىز بازاردان تابىلدى"، — دەپ مالەمدەدى باسپا ءسوز قىزمەتى.

پوليسەيلەر جاسوسپىرىمدەر مەن ولاردىڭ اتا-انالارىمەن پروفيلاكتيكالىق شارادا اڭگىمە وتكىزدى. ەكى ءجاسوسپىرىمنىڭ وتباسى دا يۋۆەنالدى پوليسيا تاراپىنان باقىلاۋعا الىندى.