قىرعىزستاننىڭ قازاقستان تاراپىنان گۋمانيتارلىق كومەك الۋ قاجەتتىلىگىنىڭ وزەكتىلىگى جويىلدى. بۇل تۋرالى رەسپۋبليكانىڭ تجم باسپا ءسوز قىزمەتىنىڭ وكىلدەرى تاراتقان مالىمدەمەدە ايتىلادى دەپ حابارلايدى Qamshy.kz اقپارات اگەنتتىگى Tengrinews.kz-كە سىلتەمە جاساپ.
ۆەدومستۆو وكىلدەرىنىڭ مالىمەتىنشە، قىرعىز تاراپىنىڭ شۇعىل ۇندەۋى بيىلعى مامىر ايىندا وش وبلىسىنداعى كوشكىنگە، قار كوشكىنىنە جانە ءزىلزالاعا بايلانىستى بولعان. "الايدا قىرعىز رەسپۋبليكاسىنىڭ ۇكىمەتى شەتەلدىك سەرىكتەستەردىڭ قولداۋىمەن ەلدىڭ وڭتۇستىگىندەگى تابيعي اپاتتىڭ سالدارىن جەدەل جويدى. وسىعان بايلانىستى قازاقستان ۇكىمەتىنە وسى شەشىمى ءۇشىن العىس بىلدىرە وتىرىپ، قىرعىز رەسپۋبليكاسىنىڭ توتەنشە جاعدايلار مينيسترلىگى قازىرگى ۋاقىتتا قازاقستان رەسپۋبليكاسىنىڭ گۋمانيتارلىق كومەگىنىڭ قاجەتتىلىك وزەكتىلىگى جويىلعانىن حابارلايدى"، - دەلىنگەن حابارلامادا.
ەسكە سالايىق، قىرعىز رەسپۋبليكاسىنداعى تابيعي-كليماتتىق جاعدايلارعا بايلانىستى قازاقستان ۇكىمەتى كورشى مەملەكەتكە گۋمانتارلىق كومەك كورسەتۋ تۋرالى شەشىم شىعارعان ەدى.
