جابايى پىلدەر بانگلادەشتەگى روحيندجا بوسقىندارىنا ارنالعان لاگەرگە شابۋىل جاسادى، ― دەپ حابارلايدى Qamshy.kz اقپارات اگەنتتىگى شەتەلدىك باق-قا سىلتەمە جاساي وتىرىپ. اتالعان وقيعادان كەيىن ايەل مەن 3 جەتكىنشەك قايتىس بولدى.
رەسمي دەرەكتەرگە سۇيەسەك، پىلدەر تاڭعا جاقىن بوسقىندار الاڭسىز ۇيىقتاپ جاتقاندا شاتىرلارىن تاپتاپ كەتكەن. سونىمەن بىرگە بۇل وقيعا العاش رەت بولىپ تۇرعان جوق. بۇرىن ءدال وسىنداي جاعداي 2 رەت قايتالانعان بولاتىن. جابايى پىلدەردىڭ العاشقى 2 شابۋىلىنىڭ سالدارىنان 7 ادام تىلگە كەلمەستەن قايتىس بولىپتى.
ايتا كەتەتىن بولساق، ميانماداعا روحيندجا مۇسىلماندارىنا كورسەتىلگەن زورلىق-زومبىلىقتىڭ كەسىرىنەن روحيندجالىقتار بوسقىن رەتىندە بانگلادەشكە كوشكەن. قازىرگى كەزدە ميانمالىق بوسقىندارعا بىرنەشە ەلدەردىڭ تاراپىنان كومەك كورسەتىلۋدە.
