«ازىرەت سۇلتان» مەملەكەتتىك تاريحي-مادەني قورىق-مۋزەيىندە مەملەكەتتىك ءتىلدىڭ لاتىن الىپبيىنە كوشۋ جونىندە تۇسىندىرمە جۇمىستارى بويىنشا زيالى قاۋىم وكىلدەرىمەن باسقوسۋ ءوتتى، دەپ حابارلايدى Qamshy.kz اقپارات اگەنتتىگى.

ەلباسى نۇرسۇلتان نازاربايەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا ۇيىمداستىرىلعان باسقوسۋعا تۇركىستان قالالىق مادەنيەت جانە تىلدەردى دامىتۋ ءبولىمىنىڭ مەڭگەرۋشىسى ج.يبراگيموۆ، قالالىق تىلدەردى وقىتۋ جانە دامىتۋ ورتالىعىنىڭ ديرەكتورى س.ساۋرانبايەۆ، اقساقالدار القاسىنىڭ مۇشەسى رەسپۋليكالىق «مەرەيلى وتباسى» بايقاۋىنىڭ باس جۇلدەگەرى ە.بيماعانبەت ۇلى، ق.ا. ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ پروفەسسورى، فيلولوگيا عىلىمدارىنىڭ دوكتورى س.سادىقوۆ، فيلولوگيا عىلىمىنىڭ كانديداتى پروففەسور ق ر مەملەكەتتىك جاستار سىيلىعىنىڭ لاۋرەاتى ب.سەردالى، تۇركىستان قالاسىنداعى احىسكا تۇرىكتەرى ەتنو-مادەني ورتالىعىنىڭ ءتوراعاسى ح.الييەۆ، قولونەر ورتالىعىنىڭ ديرەكتورى ج.بايداۋلەتوۆ، احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتى ارحەولوگيا عىلىمي زەرتتەۋ ينستيتۋتى ديرەكتورى ك.جەتىبايەۆ، ق ر مادەنيەت قايراتكەرى، «جاستار سىيلىعىنىڭ» لاۋرەاتى، انشى-سازگەر س.ەلەۋوۆ، اقىن ز.ەركەبولايەۆ، «ءنازىر تورەقۇلوۆ» مۋزەيىنىڭ ديرەكتورى د.كەرىمبەكوۆا، زيالى قاۋىم وكىلدەرى، مۋزەي قىزمەتكەرلەرى، سونداي-اق، ب ا ق وكىلدەرى قاتىستى. 

«مادەنيەت جانە تىلدەردى دامىتۋ» ءبولىمىنىڭ مەڭگەرۋشىسى ج.يبراگيموۆ لاتىن ءالىپبيى ەلباسىمىزدىڭ «بولاشاققا باعدار: رۋحاني جاڭعىرۋ» اتتى ماقالاسى اياسىندا تالقىلانىپ جاتقان ەڭ ءبىر كەلەلى ماسەلەلەردىڭ ءبىرى ەكەندىگىن اتاپ ءوتتى.

ق.ا. ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ پروفەسسورى، فيل.ع.د. ب.سەردالى ءوز تاراپىنان، لاتىن ءالىپبيى ەل بولاشاعىنا ۇلكەن ۇلەس قوسارى انىق ەكەنىن جانە قازىرگى تاڭداعى جاستار ستۋدەنتتەر تاراپى قولدايتىنىن جەتكىزدى. 

باسقوسۋدا تۇركىستاندىق جاستار اتىنان ءسوز العان قازاقستان جۋرناليستەر وداعىنىڭ مۇشەسى اقمارال عاني قىزى لاتىن الىپبيىنە كوشۋ ارقىلى كورەگەن كوشباسشىنىڭ وزىق ويلى يدەياسىنا ۇلەس قوساتىندىعىن جەتكىزدى.

جيىندا ءسوز سويلەگەن زيالى قاۋىم وكىلدەرى، ءالىپبيدىڭ جوباسى تۋرالى وي-پىكىرلەرىن ورتاعا سالىپ كەلەلى ويلارىن ايتىپ، تىڭ باستاماعا ءبىراۋىزدان قولداۋ ءبىلدىردى. 

جيىندى قورىتا كەلە، قورىق-مۋزەي ديرەكتورى نۇربولات احمەتجانوۆ «لاتىن الىپبيىنە كوشۋ ارقىلى ۇلت مۇراتىنىڭ جاڭا ءبىر بەلەسكە ورلەۋىنە، تۇركى تىلدەس حالىقتاردىڭ ءوزارا ءتىل بايلانىسىنىڭ ارتۋىنا، جاڭا زامان تالابىنا ساي وسكەلەڭ ۇرپاقتارىمىزدىڭ اعىلشىن ءتىلىن مەڭگەرۋىنە زور مۇمكىندىك تۋادى. سوندىقتان ەلباسىنىڭ ءتىل ماسەلەسىنە قاتىستى وي تولعامىنا ىنتا جىگەرىمىزبەن قولداۋ ءبىلدىرۋ – بۇگىنگى تاڭدا كەزەك كۇتتىرمەيتىن ماسەلە» - دەپ ءسوزىن قورىتىندىلادى.