قازاقستان اۋماعىنىڭ باسىم بولىگىندە اتموسفەرالىق فرونتتاردىڭ وتۋىنە بايلانىستى جاڭبىر جاۋۋى ىقتيمال، سولتۇستىك-باتىس پەن وڭتۇستىكتە  قاتتى جاۋىن جاۋادى. سولتۇستىك، شىعىس پەن قيىر وڭتۇستىكتە، وڭتۇستىك-شىعىستا عانا اۋا رايى جاۋىن-شاشىنسىز، دەپ حابارلايدى Qamshy.kz اقپارات اگەنتتىگى  قازگيدرومەت مالىمەتىنە سۇيەنىپ.

ماڭعىستاۋ وبلىسىنىڭ كەي جەرلەرىندە تۇمان تۇسەدى، جەلدىڭ ەكپىنى 17-22 م/س. قىزىلوردا وبلىسىندا، كۇندىز جامبىل، وڭتۇستىك قازاقستان، اتىراۋ، قوستاناي وبلىستارىندا  جەلدىڭ ەكپىنى 15-20 م/س، جامبىل، قىزىلوردا وبلىستارىندا جەلدىڭ ۇيىتقۋى 23 م/س.

الماتى وبلىسى جالاڭاشكول اۋدانىندا جەلدىڭ ەكپىنى 15-20 م/س. سولتۇستىك قازاقستان وبلىسىنىڭ كەي جەرلەرىندە تۇمان بولادى، كۇندىز جەلدىڭ ەكپىنى 15-20 م/س. باتىس قازاقستان، اقتوبە وبلىستارىندا، پاۆلودار، شىعىس قازاقستان وبلىستارىندا تۇندە جانە تاڭەرتەڭ كەي جەرلەردە تۇمان تۇسەدى.