باتىس قازاقستان وبلىسى، كازتالوۆ اۋدانى، تالدىقۇدىق اۋىلىندا 14 قازاندا  8-سىنىپ وقۋشىسىنا قاسقىر شابۋىلداعان. بۇل تۋرالى Qamshy.kz اقپارات اگەنتتىگى موي گورود-قا سىلتەمە بەرىپ حابارلايدى.

 14 قازان كۇنى تاڭەرتەڭ بالا قويلار تۇرعان قوراعا كىرگەن. “ول قوراعا كىرگەندە قاسقىردى كورگەن.  الايدا ونى يت  دەپ ويلاعان. جىرتقىش كۇتپەگەن جەردەن بالاعا شابۋىلداعان. بالا توبەگە شىعىپ ۇلگەرىپ ءوزىن قۇتقارىپ قالاعان”، – دەيدى اكىم ورىنباسارى ءزايلىم ءماجيتوۆا.

بالا ەرەسەكتەردى كومەككە شاقىرعان. وعان العاشقى مەديسينالىق كومەك كورسەتىلىپ، ساعات 8:40-تا ول جالپاقتال اۋداندىق اۋرۋحاناسىنا جەتكىزىلگەن. بالاعا قۇتىرۋعا قارسى ءدارى ەگىلدى. قاسقىر بالانىڭ وڭ جاق سانىن تىستەپ ۇلگەرگەن ەكەن. قازىرگى ۋاقىتتا زارداپ شەگۋشىنىڭ جاعدايى قاناعاتتانارلىق. ءزايلىم ءماجيتوۆانىڭ سوزىنشە قاسقىردى جەرگىلىكتى تۇرعىندار اتىپ تاستاعان.