رەسەي پرەزيدەنتى ۆلاديمير پۋتين يادرولىق جانە زىمىران سىناقتارىن جاساعانى ءۇشىن سولتۇستىك كورەياعا سانكسيا سالۋ تۋرالى جارلىققا قول قويدى دەپ حابارلايدى Qamshy.kz اقپارات اگەنتتىگى life.ru-عا سىلتەمە جاساي وتىرىپ.
جارلىق بۇۇ قاۋىپسىزدىك كەڭەسى قابىلداعان قارارىنا بايلانىستى شىعارىلعان.
جارلىققا سايكەس، پحەنياندا يادرولىق باعدارلامامەن اينالىساتىن زاڭدى جانە جەكە تۇلعالارعا شەكتەۋ قويىلعان. ولاردىڭ اراسىندا سولتۇستىك كورەيانىڭ جوعارى لاۋازىمدى شەنەۋنىكتەرى، بانك، ساۋدا جانە كورپوراسيا باسشىلارى بار. جارلىقتا رەسەيدەن سولتۇستىك كورەياعا ەكسپورتتالاتىن ءبىرقاتار تاۋارلارعا دا تىيىم سالىنعان.
مۇنىڭ الدىندا ماسكەۋ سولتۇستىك كورەيانى يادرولىق سىناعى ءۇشىن سىنعا الىپ، پحەنيان مەن حالىقارالىق قاۋىمداستىقتى بۇۇ قارارلارىن ورىنداۋعا شاقىرعان.
رەسەيدىڭ سولتۇستىك جانە وڭتۇستىك كورەيا دەلەگاسياسىن كەلىسسوزگە شاقىرۋ ارەكەتىنەن ازىرگە ناتيجە بولماي تۇر.
