قىرعىزستان بيلىگى قازاقستانمەن شەكاراداعى جاعداي تۋراسىندا دۇنيەجۇزىلىك ساۋدا ۇيىمىنا شاعىم ءتۇسىردى، دەپ جازادى Qamshy.kz اقپارات اگەنتتىگى.
«بۇگىن، 17 قازاندا قىرعىز رەسپۋبليكاسىنىڭ بيلىگى دۇنيەجۇزىلىك ساۋدا ۇيىمىنىڭ حاتشىلىعىنا قىرعىز-قازاق مەمەلەكەتتىك شەكاراسىندا ورىن العان جاعدايعا بايلانىستى رەسمي شاعىم ءتۇسىردى.
شاعىمنىڭ نەگىزى قازاقستان رەسپۋبليكاسىنىڭ تاريفتەر مەن ساۋدا تۋرالى كەلىسىمنىڭ نەگىزگى نورمالارىن جانە دۇنيەجۇزىلىك ساۋدا ۇيىمىن قۇرۋ تۋرالى كەلىسىمدى بۇزۋى بولدى»، - دەلىنگەن حابارلامادا.
ايتا كەتەيىك، 10 قازاندا قازاق-قىرعىز شەكاراسىندا فيتوسانيتارلىق جانە ۆەتەرينارلىق باقىلاۋ كۇشەيتىلدى، قىرعىزستاننىڭ بەس ءسۇت وڭدەۋ زاۋىتىنىڭ ونىمدەرىن جەتكىزۋگە تىيىم سالىندى.
11 قازاندا قازاقستان ۇقك شەكاراداعى جاعدايدى «جوسپارلى وپەراسيا» دەپ تۇسىندىرگەن. بۇل وپەراسيانىڭ ماقساتى – شەكارالاس اۋماقتا زاڭسىز ارەكەتتەردى بولدىرماۋ، كونتراباندا جانە باسقا دا قىلمىستىق ارەكەتتەرمەن اينالىساتىن ادامداردى انىقتاۋ، شەكارالىق رەجيم مەن كوشى-قون زاڭناماسىنىڭ ساقتالۋىن باقىلاۋ»، دەپ حابارلاعان ەدى ۇقك شەكارا قىزمەتىندە.
