18 قازانعا قاراعان ءتۇنى الماتىدا ءىرى ءورت بولدى. ءورت «قازترانسگاز» عيماراتىن باسىپ، وزگە عيماراتتارعا تارادى، دەپ جازادى Qamshy.kz اقپارات اگەنتتىگى.

كۋاگەرلەردىڭ ايتۋىنشا، ءورت قويمالاردان باستالعان، كەيىن مۇناي كومپانياسىنىڭ عيماراتىنا كوشتى.

دەپارتامەنتتىڭ رەسمي وكىلى ساندۋعاش بايمۇحامبەتوۆانىڭ حابارلاۋىنشا، جەتىسۋ اۋدانى، رىسقۇلوۆ كوشەسىندەگى قويمادا ءورتتىڭ شىعۋى تۋرالى حابار ساعات 03:00-دە كەلگەن. ال ءورت سوندىرۋشىلەر وقيعا ورنىنا ءۇش مينۋتتان سوڭ، ساعات 03:03-تە جەتكەن.

«ءورت سوندىرۋشىلەر كەلگەن ساتتە جاعداي مىناداي بولدى: 2 قاباتتى كەڭسە عيماراتىنىڭ توبەسى جانىپ تۇردى. ءورتتىڭ وزگە عيماراتتاردى جاۋلاۋ ءقاۋپى بار ەدى. ءورت ۋچاسكەسىندە شتاب قۇرىلدى، ورتپەن كۇرەسۋ ءۇشىن 4 جاۋىنگەرلىك الاڭ قۇرىلدى»، - دەدى بايمۇحامبەتوۆا.

ءورت ءسوندىرۋ بارىسىندا الماتى قالاسى ءورت ءسوندىرۋ قىزمەتىنىڭ 100 قىزمەتكەرى مەن 34 تەحنيكالىق بىرلىگى تارتىلدى.

ءورت عيماراتتىڭ كوپ بولىگىن باسىپ قالعان.