17 قازاندا ۇكىمەت ۇيىندە قازاقستان رەسپۋبليكاسىنىڭ پرەمەر-مينيسترى باقىتجان ساعىنتايەۆ ۆەتنام ۇلتتىق جينالىسىنىڭ ءتورايىمى نگۋەن تحي كيم نگان حانىممەن كەزدەستى، دەپ حابارلايدى primeminister.kz.

كەزدەسۋ بارىسىندا ساۋدا-ەكونوميكالىق ىنتىماقتاستىقتى اسىرەسە اۋىل شارۋاشىلىعى، مينەرالدى رەسۋرستار جانە كولىك سالاسىندا ودان ءارى دامىتۋ ماسەلەلەرى تالقىلاندى. بۇدان وزگە، تۋريستىك سالادا ءوزارا ءىس-قيمىل جاساسۋ كەلەشەگى قارالدى.  

بيىل قازاقستان مەن ۆەتنامنىڭ ديپلوماتيالىق قارىم-قاتىناس ورناتقانىنا 25 جىل تولدى. قازاقستان مەن ۆەتنام اراسىنداعى سىرتقى ساۋدا اينالىمى 2017 جىلدىڭ قاڭتار-تامىز ارالىعىندا 364،7 ملن اقش دوللارىن قۇرادى، بۇل وتكەن جىلدىڭ وسى كەزەڭىمەن سالىستىرعاندا 79،4%-عا جوعارى كورسەتكىش.

قر-دان ۆەتنامعا ەكسپورت كولەمى 2017 جىلدىڭ قاڭتار-تامىز ارالىعىندا 125،2%-عا ءوسىپ، 192،9 ملن اقش دوللارىن قۇرادى.