بۇگىن الماتى قالاسىندا قىتايداعى قازاقتاردىڭ قازاقستانعا بارعاندىعى ءۇشىن قۋدالانىپ، تەرگەلىپ، سوتتالۋىنا بايلانىستى ءباسپاسوز-ماسليحاتى ءوتتى، — دەپ حابارلايدى Qamshy.kz اقپارات اگەنتتىگى. ءباسپاسوز-ماسليحاتىنا ساياساتتانۋشى راسۋل جۇمالى،  قوعام بەلسەندىلەرى مارات توقاشباي پەن ءقىدىرالى وراز ۇلى قاتىستى. سونىمەن بىرگە ءباسپاسوز-ماسليحاتىنا قىتايدا سوتتالعان قازاقتاردىڭ تۋىستارى دا قاتىسىپ، ءمان-جايدى بايانداپ بەردى.

ءباسپاسوز-ماسليحاتىنا قاتىسۋشىلاردىڭ سوزىنە سۇيەنسەك، جۇڭگو ەلىندە  قازاقستاندىق ازاماتتىعى بار، قازاقستاندا تۇراتىن  قازاقتاردىڭ تۋىستارى بەلگىسىز سەبەپپەن سوتتالىپ، قۋدالانۋدا. ال جۇڭگو ەلى بولسا  ءىستى بولعان قازاقتار قانداي قىلمىس جاساعاندىعى تۋرالى ناقتى اقپارات بەرمەي وتىر.

 ءباسپاسوز-ماسليحاتىنىڭ نەگىزگى ماقساتى — قازاقستان ۇكىمەتىنە وسى ماسەلەنى جەتكىزۋ، اراشا سۇراۋ. ايتا كەتەتىن بولساق، راسۋل جۇمالى ەگەر وسى ماسەلە شەشىلمەيتىن بولسا بەلسەندىلەر مەن جابىرلەنۋشىلەر جينالىپ حالىقارالىق سوتقا شاعىمداناتىنىن ايتىپ ءوتتى.

ەسكە سالا كەتەتىن بولساق، الداعى ۋاقىتتا جۇڭگو ەلىندە قۇرىلتاي وتەتىن بولادى. وسى قۇرىلتاي كەزىندە اتالعان ماسەلە وڭ شەشىمىن تاباتىنىنا سەنىمىمىز مول.