اتىراۋ قالاسىندا قۇقىق قورعاۋ ورتالىعى اشىلدى دەپ حابارلايدى Qamshy.kz اقپارات اگەنتتىگى.

وبلىس پروكۋرورى ەرنات سىبانقۇلوۆتىڭ ايتۋىنشا، بۇرىن ازاماتتار ءارتۇرلى كومەكتى ىزدەۋدە قالانىڭ ءبىر شەتىنەن ەكىنشى شەتىنە بارۋعا تۋرا كەلەتىن، ءقازىر، ولاي ءجۇرۋدىڭ قاجەتتى جوق، كەرەكتى قۇرىلىمداردىڭ وكىلدەرى ءبىر عيماراتتا ورنالاساتىن بولادى.
ورتالىقتا بىلىكتى زاڭگەرلەر، ادۆوكاتتار، مەدياتورلار، سوت ورىنداۋشىلار، نوتاريۋستار، يۋۆەنالدى قىزمەت جانە پروباسيا قىزمەتكەرلەرى جۇمىس جاسايدى. پروكۋرورلار دا بۇل جەردە وتىنىشتەردى قابىلدايدى، كەڭەستەر، ازاماتتارعا ماسەلەلەردى شەشۋ ءۇشىن كەڭەستەر بەرەدى.
ورتالىق وبلىستىڭ ءاربىر تۇرعىنى كومەككە جۇگىنە الاتىن بولادى.
اركىم بىلىكتى زاڭ كومەگىن الۋعا قۇقىلى. ءبىز ازاماتتارعا قاجەتتى، قولايلى جاعداي جاساۋعا تىرىسۋدامىز – دەپ اتاپ ءوتتى وبلىس پروكۋرورى. 

ءقازىر وسى ىسپەن قوسا وبلىس پروكۋراتۋراسىنىڭ جانىننان ازاماتتاردى قابىلداۋ ورتالىعىن اشۋ جوسپارلانۋدا. جاقىندا وبلىس پروكۋراتۋراسىندا ازاماتتاردى قابىلداۋعا جاڭا جاعدايلار جاسايمىز. 5 ينستيتۋسيونالدى رەفورما بويىنشا ەلباسىنىڭ ۇلت جوسپارى 100 ناقتى قادام باعدارلاماسىن ىسكە اسىرۋ شەڭبەرىندە ءبىز ازاماتتاردىڭ قۇقىقتارىنىڭ قورعاۋ ساپاسىن جاقسارتۋدامىز. باستى ماقساتتارىمىزدىڭ ءبىرى قۇقىق قورعاۋ ورگاندارىنا حالىقتىڭ سەنىمىن ارتتىرۋ – دەپ قورىتىندىلادى وبلىس پروكۋرورى.

ورتالىقتىڭ ءبىرىنشى جۇمىس كۇنى وبلىس پروكۋرورى ازاماتتاردى ءارتۇرلى ماسەلەلەر بويىنشا قابىلداپ، جەدەل شەشىمىن تاپتى.

ورتالىقتىڭ اشىلۋىندا وبلىس اكىمى نۇرلان نوعايەۆ قاتىسىپ، وبلىس تۇرعىندارى ءۇشىن ورتالىقتىڭ اشىلۋىنىڭ ماڭىزدىلىعىن اتاپ ءوتتى، ورتالىقتىڭ جۇمىسىمەن تانىسىپ، پروكۋراتۋرا ۇجىمىنا جانە ورتالىق قىزمەتكەرلەرىنە جۇمىستا ساتتىلىك تىلەدى.