عارىشتىق تۇسىرىلىمدەردەن قازاقستان اۋماعىندا سۋىق فرونتتاردىڭ بەلسەندى بۇلتتى ءماسسيۆى بايقالادى، دەپ حابارلايدى Qamshy.kz اقپارات اگەنتتىگى قازگيدرومەتكە سىلتەمە جاساي وتىرىپ.
الداعى ۋاقىتتا رەسپۋبليكانىڭ وڭتۇستىك جانە وڭتۇستىك-شىعىستىڭ كەي جەرلەرىندە جاۋىن جاۋادى. سۋىق فرونتتىڭ ارتىنان كاۆكاز اۋدانىنان انتيسيكلون تارالادى، سوعان بايلانىستى رەسپۋبليكا اۋماعىندا جاۋىن-شاشىن توقتاپ، تەمپەراتۋرا تومەندەيدى.
رەسەيدىڭ ەۋروپالىق بولىگىنىڭ سولتۇستىك ايماقتارىنان باتىس سىبىرگە قاراي كەزەكتى سيكلون جىلجىپ كەلەدى. ول قازاقستاننان الىس ورنالاسقان بولسا دا، وعان كىرەتىن اركتيكالىق اتموسفەرالىق فرونتتار جۇيەسى 20-21 قازان ارالىعىندا رەسپۋبليكانىڭ باتىس جانە سولتۇستىك وبلىستارى ارقىلى جىلجيتىن بولادى، سونىڭ اسەرىنەن جاۋىن-شاشىندى بولادى.
