ءار كۇنى ميلليونداعان ادامنىڭ جەگەن چيپستەرى وزدەرىنە ءقاۋىپ توندىرۋدە. ءتىپتى كەيبىر ۇيىمدار تەمەكىدەگى سەكىلدى چيپس قوراپتارىنىڭ سىرتىنا دا دەنساۋلىققا زياندى دەگەن ەسكەرتۋلەر جازىلۋ كەرەكتىگىن ۇسىنۋدا. «چيپس جەۋدىڭ، ماي ىشۋدەن ايىرماشىلىعى جوق.» دەگەن ماماندار، قاتەرلى ىسىكتەن باستاپ سالماق قوسۋعا، قانت ديابەتىنەن بەدەۋلىككە جانە پاركينسون اۋرىمەن قاتار بىرنەشە اۋرۋلارعا سەبەپ بولاتىنىن بىلدىرۋدە. قۇرامىندا 10 پايىز مولشەردە ماي جانە 3 پايىز مولشەردە ترانس مايى بار چيپستەردەن كۇنىنە 35 گرامدىق ءبىر پاكەت چيپس جەيتىن ادام، 1 جىلدا 5 ليتر ماي ىشكەن بولادى. الەمدەگى كوپتەگەن قوعامدىق ۇيىمدار، ۋنيۆەرسيتەتتەر، قورلار ءچيپستىڭ زياندارىن ايتىپ تۇسىندىرسە دە، چيپس جەيتىندەردىڭ سانى جىل سايىن ارتا تۇسۋدە. ءچيپستىڭ قۇرامىنداعى مايدان باسقا تۇزدىڭ بولۋى ودان دا ۇلكەن ءقاۋىپ توندىرۋدە. دۇنيەجۇزىلىك دەنساۋلىق ساقتاۋ ۇيىمى مەن امەريكانىڭ ازىق-تۇلىك ۇيىمىنىڭ ايتۋى بويىنشا، ءار ءبىر ەرەسەك بالانىڭ كۇنىنە ەڭ كوپ دەگەندە 6 گرامم تۇز جانە 65 گرامم ماي جەۋى كەرەك. كۇنىنە 2 پاكەت چيپس جەيتىن ادام بۇل مولشەرلەردەن ارتىق جەگەن بولادى. شامادان تىس جەلىنگەن ماي جانە تۇز، حولەستەرين، ميوكارد ينفاركتى جانە پاراليچ سياقتى ءقاۋىپتى اۋرۋلارعا جول اشادى. 
انگليادا YouGov اتتى ۇيىم تاراپىنان جاسالعان زەرتتەۋدە، حالىقتىڭ ۇشتەن ءبىرىنىڭ ءار كۇنى ءبىر پاكەت چيپس جەيتىنى، ۇشتەن ەكىسى اپتادا بىرنەشە پاكەت چيپس جەيتىنى مالىمدەندى. چيپستەگى قاۋىپتەردىڭ ماڭىزدىلىعىنا توقتالىپ وسى ماسەلە بويىنشا كىتاپ جازعان مايكل موس، ونداعان جىل زەرتتەۋ جۇرگىزىپ ۇلكەن ازىق-تۇلىك وندىرەتىن فابريكالاردىڭ ميدا تابەتتى قوزدىرۋ ورتالىعىنا اسەر ەتەتىن ونىمدەر شىعاراتىنىن مالىمدەدى. قازىرگى تاڭدا چيپستەردىڭ وزىنە تاۋەلدىلىك قالىپتاستىراتىنىن ايتقان موس: «چيپستەر تىستەلگەن كەزدە داۋىسى قانشالىقتى قاتتى شىققان سايىن، ادامنىڭ سونشالىقتى كوپ چيپس جەگىسى كەلەتىن سەزىم پايدا بولادى» دەدى.