ادام ۇرلاپ ونىڭ قۇنىنا 500 000 تەڭگە سۇراعانداردى پوليسيا بىردەن ۇستاپ الدى. بۇل تۋرالى Qamshy.kz اقپارات اگەنتتىگى الماتى وبلىسى ءىىد باسپا ءسوز حاتشىلىعىنا سىلتەمە بەرىپ حابارلايدى.

اعىمداعى جىلدىڭ كۇزىندە تالعار ءاىىب-عا الماتى قالاسىنىڭ تۇرعىنى ونىڭ باۋىرىن ۇرلاپ كەتكەندىگىن جانە ونىڭ قۇنى ەسەبىندە 500 000 تەڭگە قارجى سۇرالعاندىعىن ايتىپ حابارلاعان. ارىزدانۋشى اقشانى باۋىرىن ۇرلاپ كەتكەندەرگە تابىستاۋ ءۇشىن جولعا شىعىپ بارا جاتقانىن جەتكىزگەن.

«ارىزدانۋشى اعاسىن ۇرلاپ كەتكەندەرگە 450 000 تەڭگە كولەمىندەگى قاراجاتتى تابىستاعان. سودان كەيىن قىلمىسكەرلەر ءىز سۋىتقان. الايدا كوپ ۇزاماي  پوليسيامەن ولاردى بىردەن ۇستاعان.  قىلمىسكەرلەردى ۇستاۋ كەزىندە ولاردان 450 000 تەڭگە تابىلدى»-دەپ مالىمدەدى پوليسيا باسقارماسىندا.

جەدەل ىزدەستىرۋ شارالارى كەزىندە قىلمىستى جاسادى دەگەن كۇدىكپەن بەس جۇمىسسىز ەركەك ۇستالدى. ولاردىڭ بارلىعى وقو تۋمالارى، 21 مەن 27 جاس ارالىعىنداعى ەر ادامدار بولىپ شىقتى. قازىرگى ۋاقىتتا سوتقا دەيىنگى تەرگەۋ ارەكەتتەرى جۇرگىزىلىپ، ق ر قك-نىڭ 125 بابى «ادام ۇرلاۋ»  فاكتى  بويىنشا ءىس قوزعالدى.