قىرعىزستاننىڭ پرەمەر-مينيسترى ساپار يساكوۆ ءوزىنىڭ Facebook پاراقشاسىندا ق ر پرەمەر-مينيسترى باقىتجان ساعىنتايەۆپەن تۇسكەن سۋرەتىن جاريالادى، دەپ جازادى Qamshy.kz اقپارات اگەنتتىگى.
«18ء-شى قازاندا استانا قالاسىنا جاسالعان ءىس-ساپارىمدا قازاقستان رەسپۋبليكاسىنىڭ پرەمەر-مينيسترى باقىتجان ساعىنتايەۆپەن كەزدەستىك. كەزدەسۋ بارىسىندا ەكىجاقتى ەكونوميكالىق قاتىناستاردىڭ پروبلەمالىق ماسەلەلەرى قارالدى. ەكى ەلدىڭ شەكارا، كولىك، فيتوسانيتارلىق جانە ۆەتەرينارلىق باقىلاۋ سالالارىنا قاتىستى ماسەلەلەر جانە ەاەو مەن دسۇ ەرەجەلەرى مەن نورمالارىنا سايكەس كەدەن جانە سالىق اكىمشىلىكتەندىرۋىنە قاتىستى پروبلەمالىق ماسەلەلەر تالقىلاندى» دەپ جازدى ساپار يساكوۆ.
قىرعىزستان پرەمەر-مينيسترى 2017 جىلدىڭ 19-شى قازانى ساعات 00:00-دەن باستاپ ەكى ەلدىڭ شەكارالارىنان وتۋدە باسىم باعىتتاردىڭ ءتارتىبى قامتاماسىز ەتىلەتىندىگى جونىندە كەلىمگە كەلگەندەرىن ايتىپ ءوتتى.
ايتا كەتسەك، باقىتجان ساعىنتايەۆ قىرعىزستان پرەمەر-مينيسترى ساپار يساكوۆ باستاپ كەلگەن قۇرامىندا 30-عا جۋىق وكىلەتتى مۇشەسى بار رەسمي دەلەگاسيامەن كەزدەسكەن بولاتىن.
ق ر پرەمەر-مينيسترى قىرعىز دەلەگاسيامەن كەزدەسۋدەن كەيىن مالىمدەمە جاساعانى حابارلاندى.
