قازاقستاننىڭ ەنەرگەتيكا ۆيسە-مينيسترى باقىتجان جاقسالييەۆ ەلدە بەنزين قانشالىقتى قىمباتتاۋى مۇمكىن ەكەنىن ايتتى، - دەپ حابارلايدى Qamshy.kz اقپارات اگەنتتىگى tengrinews.kz-كە سىلتەمە جاساپ. "قازىرگى ۋاقىتتا بەنزيننىڭ بەلگىلى ءبىر دەڭگەيدە قىمباتتاپ جاتقانى بەلگىلى. اي-92 161 تەڭگە دەڭگەيىندە بولادى دەپ ويلاپ وتىرمىز. بەنزين جەتكىزۋدەگى داعدارىس قۇبىلىستارىنىڭ تومەندەۋىمەن ۇسىنىستار كوبەيىپ، باعا ءتۇسۋى كەرەك"، - دەدى ول سەنات وتىرىسىندا.
وسىعان دەيىن ق ر ەنەرگەتيكا ءمينيسترى قانات بوزىمبايەۆ اي-92 بەنزينى قاشان ارزاندايتىنىن ايتقان بولاتىن. "ءبىز قازان ايىنىڭ سوڭىندا جانە قاراشا ايىنىڭ باسىندا بەنزيننىڭ ورتاشا باعاسى ليترىنە 160-161 تەڭگە بولادى دەپ ەسەپتەپ وتىرمىز. ءيا، بۇل قىمبات. ءبىراز ءبىز ونسىز رەسەي فەدەراسياسىنان بەنزين جەتكىزە المايمىز. قاراشا ايىندا نارىقتا رەسەيلىك بەنزين ازايىپ، پاۆلوداردا مۇناي وندىرەتىن زاۋىتتار اشىلاتىن بولادى. ال قاراشا ايىنىڭ ەكىنشى جارتىسىندا باعا 161-162 تەڭگەدەن تومەندەۋى مۇمكىن"، - دەگەن ەدى ەنەرگەتيكا ءمينيسترى.
