يسپانيا ۇكىمەتى كاتالونيانىڭ اۆتونوميا مارتەبەسىن توقتاتۋ ماسەلەسىن قاراۋ ءۇشىن 21 قازانعا ۇكىمەتتىڭ شۇعىل جيىنىن شاقىردى دەپ حابارلايدى Qamshy.kz اقپارات اگەنتتىگى life.ru-عا سىلتەمە جاساي وتىرىپ. بۇعان دەيىن كاتالونيا باسشىسى ايماق تاۋەلسىزدىگىن جاريالايتىنىن مالىمدەگەن بولاتىن.
يسپانيا پرەمەر-مينيسترى ماريانو راحوي كەڭسەسى 19 قازاندا كاتالونيا ايماعى وزىنە العان زاڭدى مىندەتتەمەسىن ورىنداماسا وندا ۇكىمەت يسپانيا كونستيتۋسياسىنىڭ 155-بابىنا سۇيەنىپ ايماقتىڭ اۆتونوميا مارتەبەسىن توقتاتىپ، ءمادريدتىڭ ايماققا تىكە باسقارۋ جۇيەسىن ورناتىنىن مالىمدەدى.
ەسكە سالا كەتەيىك،1 قازاندا وتكەن رەفەرەندۋمدا كاتالونيا سايلاۋشىلارى يسپانيادان ءبولىنۋىن قولداعان سوڭ، يسپانيادان ءبولىنۋ قۇقىعىنا يە بولعانىن مالىمدەپ، تاۋەلسىزدىك دەكلاراسياسىن قابىلداعان. ءبىراق ول دەكلاراسيانى جاريالاماي، اۋەلى مادريدپەن كەلىسسوز وتكىزۋگە شاقىرعان بولاتىن.
