18 قازاندا بەلگىلى تەلەجۇرگىزۋشى، قوعام قايراتكەرى كسەنيا سوبچاك 2018 جىلى رەسيەدە وتەتىن پرەزيدەنت سايلاۋىنا ءوزىن ۇمىتكەر رەتىندە ۇسىناتىنىن مالىمدەگەن. ءوزىن پرەزيدەنتتىككە ۇسىنعان شوۋ بيزنەس پەن ساياساتتى قاتار الىپ جۇرگەن ايەلدىڭ قوعامدىق جانە ساياسي ماسەلەلەر جايىنداعى پىكىرى قانداي؟

ۆلاديمير پۋتين جايىندا

مەن پۋتينگە ءومىر بويى قارىزدارمىن. سەبەبى ونىڭ اكەمە ۇلكەن كومەگى تيگەن». (2012 جىلدىڭ شىلدەسى، ماكسيم شيەۆچەنكومەن «تىكەلەي ەفيردە» باعدارلاماسى)

قارجىلىق داعدارىس

«ءبارى الاڭداپ ءجۇر، ءبىراق دۇنيە توڭكەرىلىپ كەتكەن جوق قوي. اقىرىنداپ، ادىممەن قارداعى كۋباعا اينالامىز. مەن ادەتتەگىدەي ءوزىمنىڭ ا8 كولىگىممەن جۇرەتىن بولامىن، «جيگۋليدىڭ» قوسالقى بولشەكتەرىمەن جاماپ قويامىن. جۇمىستارىنا ەسكى كولىكپەن، ۆەلوسيپەدپەن بارىپ جۇرگەندەردىڭ جانىندا مەن بۇرىنعى قالپىمدا قالامىن». (2014 جىلدىڭ 16 جەلتوقسانى، instagram)

قىرىم جايلى

«بولدى. سوعىس. بۇل شەشىم ۆلاديمير ۆلاديمير ۇلىنىڭ كىشىگىرىم سوعىسىنا اينالۋى مۇمكىن نەمەسە ونىڭ اۋعانستانى بولادى. ءپۋتيننىڭ ماقساتى – «تاريحتا قالۋ». رەسەيگە قىرىمدى قايتارعان پرەزيدەنت – كىتاپتاعى ماڭىزدى ءبولىم». (2014 جىلدىڭ 2 ناۋرىزى، Facebook)

شەشەنستان جايلى

«سىزدەر شەشەنستاندى رەسەيدىڭ كونستيتۋسيالىق-قۇقىقتىق الاڭىنا كىرگەنىن قالايسىزدار ما؟ شىن مانىسىندە رەسەي شەشەنستاننىڭ كونستيتۋسيالىق-قۇقىقتىڭ الاڭىنا كىردى. قانداي اقىل-ەسى دۇرىس ينۆەستور قادىروۆتىڭ جەكە گۆاردياسىنداعى ساقالدى، التىن تاپانشاسى بار بەدەلدى ءارى سىيلى ادامدارى بار مەملەكەتكە اقشا اۋدارادى؟» (2017 جىلدىڭ 10 ماۋسىمى، «دوجديا» سايتى، ۆلاديمير پۋتينگە ارنالعان ۆيدەوحابارلاما)

بوريس ەلسين جايىندا

«بوريس ەلسينمەن وتباسىم ەتەنە ارالاسقان. ول ءوزىنىڭ ساياسي ۇستانىمدارى بارىنەن جوعارى ۇستايتىن ادام». (2015 جىلدىڭ 25 قاراشاسى، ەلسين ورتالىعىنىڭ اشىلۋى)

الەكسەي ناۆالنىي جايلى

«سەن ناعىز ەرسىڭ، ەلىمىز ءۇشىن بارىڭدى تارك ەتتىڭ، ءبىراق جەكە ساياسي ۇستانىمدارىڭ ءۇشىن وداقتاستارىڭنىڭ كەۋدەسىنەن يتەرۋ – دۇرىس ەمەس، مۇنىڭ ءتۇبى وشپەندىلىككە يتەرمەلەيدى...». (2017 جىلىدڭ 23 قىركۇيەگى، Instagram)

سانكسيا جونىندە

«باتىس ۇرلىقپەن ۇستالعان وليگارحتاردى جازالاپ جاتىر، ال زاردابى بىزگە تيۋدە». (2014 جىلدىڭ 7 تامىزى، تۆيتتەر)

ساياسات كورىنىسى

«مەن تاۋەلسىز اداممىن. ەشقانداي لاۋازىمدى اداممەن بايلانىسىم جوق، بولمايدى دا. وسى ءۇشىن دە ءوزىمدى ماقتان تۇتامىن. ەلىمىزدە بولىپ جاتقان ساياسي لاندشافتاردى باقىلاپ ءجۇرمىن. جانە ءبىر عانا دياگنوزىمبار – بۇگىنگى ساياساتتىرىڭىز – بىلجىراق. ءىش پىستىرارلىق، ءارى جيىركەنىشتى!» (2017 جىلدىڭ 1 قىركۇيەگى، Instagram)

بيلىك جايلى

«بيلىك – ەكى ويىنشىنىڭ بىر-بىرىنە لاقتىرىپ وينايتىن بادمينتوننىڭ دوبى ەمەس. (بۇدان بۇرىن پۋتين مەن مەدۆەديەۆتىڭ قاتىسۋىمەن وتكەن بادمينتوننىڭ پايداسى تۋرالى ۆيدەو جاريالانعان) ەڭ باستىسى – بيلىك ءۇشىن كۇرەسۋ ەمەس، بيلىككە اسەر ەتۋ كەرەك. بۇگىنگى وپپوزيسيا بيلىكپەن كۇرەسىپ كەلەدى، ال بيلىكتەن ورىن بۇيىرا قالسا، ءبارى ءاپ ساتتە وزگەرىپ كەتۋى مۇمكىن. تەك ءبىز، ازاماتتىق قوعام، بيلىككە اسەر ەتە الامىز، ونى وزگەرتە الامىز». ( 2011 جىلدىڭ 24 جەلتوقسانى، ماسكەۋدەگى ساحاروۆ داڭعىلىندا وتكەن مينتينگ)

سيريا جايلى

«مەن سيريا مەن قىرىمدى سالىستىرمايمىن. حالىقارالىق قۇقىقتى ساقتاۋدىڭ قاعيداسى. مۇنى اقش-تان تالاپ ەتەتىن بولساق، ساقتاۋعا مىندەتتىمىز». (2014 جىلىدڭ 1 ناۋرىزى، تۆيتتەر)

ەلدەگى ەكونوميكالىق احۋال

«ءبىزدى الدا جارقىن بولاشاق كۇتىپ تۇر دەپ ويلايسىزدار ما؟ ولاي بولمايدى! ۆاليۋتانىڭ تۇراقسىزدىعى، قۇبىلمالى نارىق، 98 جىلدىڭ ەلەسى، قۇلدىراۋعا شاق مەملەكەت – بۇلار ورىس ءسوزىنىڭ مەتافوراسى عانا». (2016 جىلدىڭ قاڭتارى، «برەميا نوۆوستەي» باعدارلاماسى)