ۇلتتىق ەكونوميكا ەكس-مينيسترى قۋاندىق بيشىمبايەۆ قىلمىستىق ءىس بويىنشا 1،2 ميلليارد تەڭگە كولەمىندە وتەماقى تولەدى، دەپ جازادى Qamshy.kz اقپارات اگەنتتىگى.
Today.kz پورتالىنىڭ مالىمەتىنە سۇيەنسەك، بۇل تۋرالى توعىز ايداعى قىزمەتتىڭ قورىتىندىسى جايلى وتكەن بريفينگ بارىسىندا سىبايلاس جەمقورلىققا قارسى ۇلتتىق بيۋرو دەپارتامەنتى ديرەكتورىنىڭ ورىنباسارى تالعات سەرىكبايەۆ مالىمدەدى.
«بيشىمبايەۆ قىلمىستىق ءىسىن تەرگەۋ اياسىندا مەملەكەت كىرىسىنە 1،2 ميلليارد تەڭگە كولەمىندە كەلتىرىلگەن شىعىن قايتارىلدى»، - دەدى سەرىكبايەۆ. كىنالى تاراپ قاراجاتتى ءوز ەرىكتەرىمەن مەملەكەت كىرىسىنە قۇيعان.
شىعىن تۇگەلىمەن قايتارىلدى. ءىس بويىنشا ايىپتالعان 23 ادامنىڭ 20-سى ءوز كىنالارىن مويىندادى.
