سولتۇستىك كورەيادان قاشىپ كەتكەن 2 جىگىت پەن 2 قىز نە ءۇشىن ەلدەن كەتكەنىن جانە ءقازىر نەنى ساعىناتىنىن BBC جۋرناليستەرىنە ايتىپ بەردى. قاۋىپسىزدىك ءۇشىن جاستاردىڭ ەسىمدەرى اتالمايدى.   

سولتۇستىك كورەيادان نە ءۇشىن قاشىپ كەتتىڭىز؟

1ء-شى جىگىت: ءار اپتانىڭ سوڭىندا بىزدە «سىن ساعاتى» وتەتىن. ول ۋاقىتتا بىزگە ءوز ءتارتىبىمىز جونىندە ويلانىپ، وزگەلەردىڭ ارەكەتىن بايانداۋعا ماجبۇرلەيتىن. ءقازىر اپتالىق "سىن ساعاتىنا" بارمايتىنىما وتە قۋانىشتىمىن.

1ء-شى قىز: كحدر-دىڭ باسشىلارى قايتىس بولسا بارلىعىمىز قۇردىمعا كەتەمىز دەپ ويلادىم.

نەنى ساعىناسىز؟

1ء-شى جىگىت: سولتۇستىك كورەيانىڭ تاماعىن. دوستارىمدى.

1ء-شى قىز: تۋعان جەرىمدە دايىندايتىن تاعامدى، اتا-اناممەن بىرگە ويناعان كوشەلەردى ساعىنامىن.

2ء-شى قىز: مەن جاقىن دوس تاپقىم كەلەدى، ءبىراق ءالى كۇنگە دەيىن ونداي جاندى كەزدەستىرمەدىم. سوندىقتان دوستارىمدى قاتتى ساعىنامىن.

سولتۇستىك كورەيا حالقى زاڭسىز كينو مەن تەلەديدار كورەتىنىن ءبىلدىڭىز بە؟

2ء-شى قىز: مەن وڭتۇستىك كورەيانىڭ تەلەارنالارىن كورىپ ءوستىم جانە راديونى كوپ تىڭدادىم. وڭتۇستىك كورەيالىق انشىلەردى تىڭداي بەرگىم كەلەتىن. ءبىز دوستارىمىزبەن جينالىپ ءدال سولاي ءان ايتۋعا تىرىساتىنبىز. مەن وڭتۇستىك كورەياعا بارۋدى ارماندادىم.  

2ء-شى جىگىت: مەن «تيتانيكتى» كورگەن ەمەسپىن. دوستارىم ونىڭ كەرەمەت فيلم ەكەنىن ايتادى. مەن كوبىنە ءۇندسىتان مەن اقش-تىڭ فيلمدەرىن كوردىم. ءۇندىستان كينولارىندا بارلىعى ءان ايتىپ، بي بيلەپ جۇرگەندە ولارعا قىزىعا دا قىزعانا قارايتىنمىن.

ادامدارعا سولتۇستىك كورەيا تۋرالى نە ايتقىڭىز كەلەدى؟

2ء-شى قىز: جۇرەك پەن سەزىم ءار ادامدا بار. ادامداردىڭ ءبىزدى كەمسىتپەۋىن، ءبىزدى تەڭ دارەجەدە قابىلداعانىن قالايمىن.

1ء-شى جىگىت: دەنەمىز توڭسا قالىڭ كيىم كيەمىز. ال جۇرەگىمىزگە جىلۋ قاجەت بولسا ماحابباتقا مۇقتاجبىز.

2ء-شى جىگىت: ەركىندىك...سولتۇستىك كورەيا حالقى ەركىندىكتى قالايدى.