قازاقستاننىڭ سولتۇستىك بولىگى ارقىلى ۇلكەن جىلدامدىقپەن جىلجىپ كەلە جاتقان اتموسفەرالىق فرونتتار، دەمالىس كۇندەرى جاڭبىر جاۋىپ، ارتىنشا ول قارعا ۇلاسىپ، كەي جەرلەردە كۇشتى جەل سوعۋىنا اسەر ەتەدى دەپ حابارلايدى Qamshy.kz اقپارات اگەنتتىگى قازگيدرومەتكە سىلتەمە جاساپ.
رەسەيدىڭ ەۋروپالىق بولىگىنىڭ ورتالىق ايماقتارىندا قالىپتاسقان جاڭا سيكلون جەكسەنبى كۇنى قازاقستاننىڭ باتىس وڭىرلەرىنە كوشىپ، دۇيسەنبى كۇنى ورتالىق جانە سولتۇستىك ايماقتارعا جەتەدى. سيكلونمەن بايلانىستى تەمپەراتۋرا تومەندەپ، ودان ءارى، نەگىزىنەن، قار تۇرىندەگى جاۋىن-شاشىن سولتۇستىك وڭىرلەردە كۇتىلەدى. وڭتۇستىك جانە وڭتۇستىك-شىعىس وبلىستاردا، الداعى دەمالىس كۇندەرى، اتموسفەرالىق قىسىمنىڭ جوعارى بولۋىنىڭ اسەرىنەن اۋا رايى جىلى، كوبىنە جاۋىن-شاشىنسىز بولادى.
