دراماتۋرگتىڭ تۋىندىلارىنا ارنالىپ وتكىزىلەتىن ساباقتار لەپ بەلگىلەرىمەن جانە ۇشبۇرىشتارمەن بەلگىلەنەدى.

بي-بي-سيگە سۇيەنگەن Qamshy.kz اقپارات اگەنتتىگى حابارلاۋىنشا، كەمبريدج ۋنيۆەرسيتەتىنىڭ ستۋدەنتتەرىنە ۋيليام شەكسپير پەسالارىندا سەكسۋلدىق زورلىق-زومبىلىقتىڭ بار ەكەندىگى ايتىلىپ جاتىر.

ساباق كەستەسىندەگى اقىننىڭ تۋىندىلارىنا ارنالعان دارىستەر ارنايى بەلگىلەرمەن سىزىلۋدا، ولار قىزىل ءۇشبۇرىشتار مەن لەپ بەلگىلەرى. بۇل تاڭبالارمەن ستۋدەنتتەرگە جاعىمسىز بولۋى مۇمكىن ساباقتار بەلگىلەنۋدە.

كەمبريدجدىڭ ءوز اتىن قۇپيا ۇستاۋدى وتىنگەن ءمۇعالىمى ۋنيۆەرسيتەت باسشىلىعىنىڭ مۇنداي قادامعا بارۋىن جاقتامايتىنىن ايتتى. سەبەبى «ستۋدەنتتەردى شىنايى ومىرگە بەيىمدەۋ ءۇشىن ولاردى ءۇش جىل بويى قورعاشتاپ ءبىلىم بەرۋدىڭ قاجەتى جوق» دەيدى ول. كەمبريدجدەگى شەكسپير فەستيۆالىنىڭ باسشىسى ديەۆيد كريللي دە بۇل شەشىمگە نارازىلىعىن ءبىلدىردى.

ول: «اعىلشىن ادەبيەتى كۋرسىنىڭ ستۋدەنتى «تيت اندرونيكتە» زورلىق بار ەكەندىگىن بىلمەسە، ونىڭ بۇل كۋرستا نە قىپ جۇرگەنى بەلگىسىز» دەدى.

وسى ىسپەتتەس سىننىڭ كوبەيىپ كەتۋىنەن، جوو باسپا ءسوز قىزمەتى بۇل شەشىمدى جۇزەگە اسىرۋ مىندەتتى ەمەس ەكەندىگىن جانە ونى ءمۇعالىمنىڭ ءوزى شەشەتىندىگىن مالىمدەدى.