20-شى قازاننان باستاپ جەلتوقسان ايىنىڭ سوڭىنا دەيىن مانەرلەپ سىرعاناۋدان «Rostelecom Cup-2017» گران-پري سەرياسىنىڭ كەزەڭى وتەدى. «Rostelecom Cup-2017» بيىلعى گران-پري سەرياسىن باستايتىن العاشقى جارىس بولماق. الەمنىڭ ەڭ ۇزدىك مانەرلەپ سىرعاناۋشىلارى رەسەي استاناسى ماسكەۋدە باس قوسادى،- دەپ حابارلايدى Qamshy.kz اقپارات اگەنتتىگى.
اتاپ ايتساق، قازاقستاننىڭ نامىسىن ەل ماقتانىشى دەنيس تەن مەن ەليزابەت تۇرسىنبايەۆا قورعاماق. دەنيس تەن 2014 جىلى مانەرلەپ سىرعاناۋدان سوچي وليمپياداسىنىڭ قولا جۇلدەگەرى، مانەرلەپ سىرعاناۋدان 2013 جىلعى الەم چەمپيوناتىنىڭ كۇمىس مەدال جۇلدەگەرى، Vءىى قىسقى ازيا ويىندارىنىڭ جانە 2017 جىلعى قىسقى ۋنيۆەرسيادانىڭ چەمپيونى، قازاقستان رەسپۋبليكاسىنىڭ حالىقارالىق دارەجەدەگى سپورت شەبەرى. ال، ەليزاۆەتا تۇرسىنبايەۆا قازاقستاننىڭ ءۇش دۇركىن چەمپيونى جانە 2016 جىلعى جاسوسپىرىمدەر اراسىنداعى وليمپيادا ويىندارىنىڭ قولا جۇلدەگەرى.
سونداي-اق، جارىسقا ەرلەر اراسىنداعى 2014 جىلعى وليمپيادا چەمپيونى جانە قازىرگى الەم چەمپيونى جاپونيالىق يۋدزۋرۋ حانيۋ جانە قىزدار اراسىندا ەكى دۇركىن الەم چەمپيونى رەسەيلىك ەۆگەنيا مەدۆەديەۆا بار.
