ءتۇستى باقىلاۋدا ۇستاۋ ءۇشىن عالىمدار مىنا سوزدەردى قايتالاۋ كەرەكتىگىن ەسكەرتەدى: «كەلەسى جولى ۋيىقتاعاندا، مەن ءتۇس كورىپ جاتقاندىعىمدى ەسىمدە ۇستايمىن».
ۇيقىدان ءلاززات العىڭىز كەلسە، ونى شىنايىلىققا اينالدىرۋدىڭ ءۇش تەحنيكاسى بار ەكەندىگىن بىلە ءجۇرىڭىز،- دەپ Qamshy.kz اقپارات اگەنتتىگى The Independent باسىلىمىنا سۇيەنە جازادى.
عالىمدار جاساعان جاڭا زەرتتەۋگە سۇيەنسەك، ۇيىقتاپ جاتقان ادام ءوزىنىڭ ءتۇس كورىپ جاتقاندىعىنان حاباردار بولسا، وندا بولىپ جاتقان وقيعالاردىڭ جەلىسىن ءوزى باقىلاۋدا ۇستاي الادى.
سەرگەك ۇيىقتاپ، كوز الدىڭىزدا بولىپ جاتقان ءتۇستى باقىلاپ جاتۋ ءۇشىن، كۇندەلىكتى قايتالاناتىن ارەكەتكە عالىمدار ۇسىنعان تەحنيكالاردى قولدانعان ابزال.
ادەلايدا جوو-ڭ زەرتتەۋشىلەرى ءبىر عانا ەمەس ءۇش بىردەي تەحنيكانى قايتالاعاندا باقىلاۋدا ۇستاۋعا بولاتىن تۇستەر كورۋگە بولاتىندىعىن ايتتى.
ءبىرىنشى ءادىس: بۇل تەحنيكا وتە وڭاي، كۇندىزگى ۋاقىتتا اينالاڭىزعا قاراپ ۇيقىدا جاتقانداي سەزىنىڭىز. سوندا ءسىز ءوزىڭىزدى اشىق ۇستاپ، ءتۇس كورىپ جاتقانداي بولاسىز. ال شىنىمەن توسەككە جاتقاندا بۇل ءادىس ۇيقىنى دا باقىلاۋدا ۇستاۋعا كومەكتەسەدى.
ەكىنشى ءادىس: ءبىرىنشى ادىسكە قاراعاندا، ەكىنشىسىندە ءبىراز جوسپارلاۋ كەرەك. دەنحولم ەسپي اتتى زەررتەۋشى بەس ساعات ۇيىقتاپ، قايتا ويانىپ، ازداپ وياۋ بولعاننان كەيىن قايتا ۇيقىعا جاتۋ كەرەكتىگىن ۇسىنادى. بۇل ۇيقىنىڭ وتە بەلسەندى ءتۇرى، جۇمۋلى كوزدەر قيمىلداپ، جۇرەك تەز سوعىپ، ۇيقىنى باقىلاۋدا ۇستايسىز.
ءۇشىنشى ءادىس: جوعارىدا اتالعانداي، بەس ساعاتتان كەيىن ۇيقىدان ويانعاننان سوڭ «كەلەسى جولى ۇيىقتاعاندا، مەن ءتۇس كورىپ جاتقاندىعىمدى ەسىمدە ۇستايمىن» دەپ قايتالاپ، باقىلاۋدا ۇستاي الاتىن ۇيقىدا ەكەندىگىڭىزدى ەلەستەتىڭىز.
