رەسەي پرەزيدەنتى رەسەي مەن قازاقستان اراسىنداعى ساياسي ديالوگتىڭ قارقىندى دامۋىن، ونىڭ ىشىندە ساۋدا-ەكونوميكالىق، عىلىمي-تەحنيكالىق، مادەني، گۋمانيتارلىق جانە باسقا دا سالالارداعى جەتىستىكتەردى ەرەكشە اتاپ ءوتتى، — دەپ حابارلايدى Qamshy.kz اقپارات اگەنتتىگى kremlin.ru سايتىنا سىلتەمە جاساي وتىرىپ.
رف پرەزيدەنتى ۆلاديمير پۋتين ەكى ەل اراسىنداعى ديپلوماتيالىق قارىم-قاتىناستىڭ 25 جىلدىعىمەن قۇتتىقتاپ، نۇرسۇلتان نازاربايەۆتىڭ اتىنا جەدەل حات جولدادى.
«قۇرمەتتى نۇرسۇلتان ءابىش ۇلى، ءبىزدىڭ ەلدەردىڭ اراسىنداعى ديپلوماتيالىق قارىم-قاتىناستىڭ 25 جىلدىق مەرەيتويىمەن شىن جۇرەكتەن قۇتتىقتايمىن. شيرەك عاسىر ارالىعىندا رەسەي مەن قازاقستان حالقىنىڭ دوستىعى مەن سىيلاستىعىنىڭ ارقاسىندا ەكى ەل اراسىندا ستراتەگيالىق سەرىكتەستىكتى، وداقتاستىقتى جوعارعى دەڭگەيگە جەتكىزدىك»، — دەلىنگەن حابارلامادا.
سونىمەن بىرگە رەسەي پرەزيدەنتى نۇرسۇلتان نازاربايەۆقا زور دەنساۋلىق پەن تابىس تىلەدى.
