"ونى كييەۆ وبلىسىنىڭ كييەۆو-سۆياتوشينسكيي اۋدانىندا ۇستاپ، حاتتاما تولتىردى. قازاقستان احمەتكە قىلمىستىق كودەكسىنىڭ 177-بابى ("الاياقتىق") بويىنشا ينتەرپولمەن ىزدەۋ جاريالاپ، سول بويىنشا ۇستالعان. ءقازىر ول ۆىشگورودتىڭ ۋاقىتشا تەرگەۋ يزولياتورىندا وتىر" دەدى ادۆوكات.

گريششەنكونىڭ سوزىنشە، 23 قازاندا كييەۆو-سۆياتوشينسكيي اۋداندىق سوتى احمەتتى ەكستراديسيالاۋ ماسەلەسى قارالعانشا بۇلتارتپاۋ شاراسىن بەلگىلەيدى.

ادۆوكاتتىڭ ايتۋىنا قاراعاندا، احمەتتىڭ كامەلەتكە تولماعان بالاسى ۋكراينادا ءجۋرناليستىڭ تۋىستارى جوق بولعاندىقتان، تانىستارىنىڭ قاراۋىندا.

كييەۆ وبلىسى پوليسياسىنىڭ وكىلى نيكولاي جۋكوۆيچ ءجۋرناليستىڭ تۇتقىندالعانىن راستادى.

"ول ۆىشگورودتىڭ ۋاقىتشا قاماۋ يزولياتورىندا وتىر. ول ۋكراينا قىلمىستىق-پروسەسسۋالدىق كودەكسىنىڭ 208-بابى ("ۋاكىلەتتى لاۋازىمدى تۇلعانىڭ ۇستاۋى" بويىنشا، ينتەرپولدىڭ ىزدەۋىندە جۇرگەندىكتەن ۇستالدى. ەرتەڭ، يا ارعى كۇنى ونى سوتقا اپارىپ، بۇلتارتپاۋ شاراسىن تاعايىندايدى" دەدى جۋكوۆيچ.

جانار احمەتتىڭ ءوزى Facebook-تە 23 قازانعا دەيىن سوتتى كۇتەتىنىن جانە ءوزىن قوعام قولدايتىنىنان ۇمىتتەنەتىنىن جازدى. جانار احمەت وزىنە تاعىلعان ايىپتىڭ ساياسي استارى بار دەپ سانايدى.

الماتىدا تۇرعان، بيلىكتىڭ پروباسيالىق باقىلاۋىندا بولعان بلوگەر جانار احمەت بالاسىمەن بىرگە ۋكرايناعا بيىل كوكتەمدە قاشىپ بارعان.

جانار احمەت وپپوزيسيالىق "تريبۋنا. ساياسي قالام" گازەتىندە ماقالا جازىپ تۇرعان جانە الەۋمەتتىك جەلىلەر ارقىلى قازاقستاندىق بيلىكتىڭ اتىنا سىني پىكىرلەر جاريالايدى.