پوليسەي قىزمەتكەرلەرى شىمكەنتتە (2017 جىلدىڭ 13 قازانى) جانە الماتىدا (2016 جىلدىڭ 2 قىركۇيەگى) Kaspi Bank بولىمشەلەرىنە شابۋىل جاساعان قىلمىسكەردى ۇستادى، دەپ جازادى Qasmhy.kz اقپارات اگەنتتىگى.

كۇدىكتى ءوز كىناسىن مويىندادى. پوليسەي قىزمەتكەرلەرى ونىڭ وزگە دە قىلمىستارعا قاتىسى بار-جوعىن انىقتاپ جاتىر.

ق ر قىلمىستىق كودەكستىڭ 192-بابى 4-بولىمىنە سايكەس كۇدىكتىنىڭ دۇنيە مۇلكى تاركىلەنىپ، 15 جىلعا دەيىن سوتتالۋى مۇمكىن.

«قۋانىشقا وراي، قاراقشىلىق بارىسىندا ەشقانداي قىزمەتكەر زارداپ شەككەن جوق. ۇرلانعان اقشانىڭ جارتىسى قايتارىلدى، جۇمىس جالعاسىپ جاتىر. Kaspi Bank قىزمەتكەرلەرىمەن ەتەنە بايلانىستا بولىپ، ءىستى تەرگەپ، قىلمىسكەردى ۇستاعاندارى ءۇشىن قۇقىق قورعاۋ ورگانىنىڭ قىزمەتكەرلەرىنە العىسىمىزدى بىلدىرەمىز»، - دەلىنگەن بانكتىڭ رەسمي پاراقشاسىندا.